SAM 53:1 - Khumi Common Language Bible

¹ Khumi ka-khumchi my, “Tameuh by y,” nanai dawn iy athang khai u. Nichi bawibawi ly jawi tamang u iy, amso ngai naichi sa u; kateng sa nai khumi leaungrei py by y.

SAM 53:1 ပူးပေါင်းရင်းမြစ်များ

1 ARENG KEH 12:26

Naibaly mymy ai mymy naimy, “Kai i khumichi ly vai i kamta Jerusalem mary i Achura yhm y chei iy, kapathypra talam u lawh baly, Juda samrang Rehoboam teng y nichi paleung apei u ai i, kai ai ang padei u ai,” nanai adawn pasym nai ne.

1 ARENG KEH 14:24

Hawi y keh nai sa nai ly myn y chiu nai meingtymra y neampacho hawi neampachychi ly kamthu kamleaungchi sa u nai ne. Hini pri theung y Israela chengchi kun u nai thym khala y, Areng my patheu pi pawn nai khumichi i sa nai amso ngai nai cheaungkhangchi ai Juda khumichi ly sa u nai ne.

JOBA 14:4

Chai y nai khumi theung i, ami nai kachai patheu pajau ai mo? Ami py patheu pajau y.

JOBA 15:16

Khumi ly kamngo ai tui kamta teaung reng; khumi ly meitang khyp, hawi y nai sa reng i, amso ngai ai nai hawi.

SAM 10:11

Khumi aso y nai my, “Tameuh ly hini molam y ati sai py dawn y leang! Mymy ly mei pasym veng; kai ai mana khala py niu y leang,” nanai amy tlairei katheu nai ne.

SAM 10:13

Khumi aso y naichi ly ati mana nai Tameuh ai mei aniu y nai sa iy, “mymy ly kai ai pajeng ai ny y,” nanai amy tlairei katheu pajau lawh mo?

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 10:6

“Kai ly mana khala py sum y ai; mana khala py patang ai ny y,” nanai amy tlairei katheu reng.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

SAM 92:6

Khumi ka-khumchi pany pajau y naira, cheng naira by y nai khumichi pany thai y naira, harei awm.

Ezekiela 16:47

Nang ly nichi i kheu lawi chiu iy, amso ngam naichi sa naimy paleung tuinem a? Tuinem y; nang ly neng maidenreichy sala y my, nichi i sa nai ngiereichi tleaung y hawi y keh naichi sa nai ne.

Ezekiela 16:51

“Samari mary ly nang i hawi y sa nai ka-hyhrei tahm py so y. Nang ly ni i sa nai ngiereichi tleaung y amso ngai hawi keh naichi sa lawh nai ne. Nang ly amso ngai hawi parai nai deaungkho y, nang i ngamjo ngamnau neampachychi ly nang hawi dawn pata baly, nichi ly kamngo by y naichi, nanai palawn ai.

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

ROM AVANGCHI TENG Y PAWLA I CHA PA NAI 1:28

Naibaly nichi ly Tameuh ai pany ai ngai u y nai deaungkho y, atiti apu y naichi sa ai nai ly mymy ai ngai y nai paleung awm ai nai au lawh iy, Tameuh my hi pi vui bo;

EPHESI 5:12

mymychi i kangviu y atiti sa reng naichi ly thui ai nai py angji ngailai veng.

Leu Thui Nai 12:31

Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;