SAM 51:19 - Khumi Common Language Bible

¹⁹ Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

SAM 51:19 ပူးပေါင်းရင်းမြစ်များ

2 ARENG KEH 22:19

Jerusalem mary hawi mary i khumichi ai pajeng ai, nanai kaimy leu pei nai thai nai khala, nang ly vo naimy nangmy i ateaung seih iy uikheih i, kai i mo y paleung apanem bo. Kai ly hini mary phra hai ai. Hini mary i amyn ly khumichi i amsawi kadeu lawm ai. Na i py kai ly nang i chiu sa nai pathang pi mang.

SAM 118:27

Areng ly Tameuh ne; mymy ly achi ai hawi ang sa pi bo. Nangchi ly lymlo changpichi syn ly pawi sa amteaung iy, maicham kamki tapai u.

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

SAM 4:5

Areng teng y avo nai kapathypra talam iy mymy teng y ym naimy abyh u.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

MALAKHI 3:3

Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

EPHESI 5:2

Naibaly Krista my ang tamen nai hawi, Tameuh teng y miu katui lawn ai nai atiti talam naira hawi apathyp naira y achi i jeng y ang pei nai kamta ly tamen naira y tako u.