SAM 51:18 - Khumi Common Language Bible

¹⁸ Aw Tameuh, Zion mary ai pahen iy sabawm kyh ba; Jerusalem mary apaichi ai so pi teang kyh ba.

SAM 51:18 ပူးပေါင်းရင်းမြစ်များ

NEHEMIA 2:17

Na i py vai kai ly nichi teng y, “Jerusalem mary ly phra seaungkhrang bo i, mary apaichi py atlym pawn nai deaungkho y, achi mana tanrei rai naira avum mo, nanai nangchi pany u bo; achi kangji ngo bi y ai nai mary apaichi palum u teang sina,” nanai thui pi.

SAM 102:16

Areng my Zion mary palum teang nai khala ly mymy i nang parai nai sai amteng hai ai.

SAM 147:2

Areng ly Jerusalem mary ai sa palum teang iy, pri takhra y awm u nai Israela chengchi ai palau ali teang bo.

SAM 25:22

Aw Tameuh, nang i khumi Israelachi ai ngari kamtang bawibawira i nai atleu pi kyh ba.

SAM 40:7

Huna nai deaungkho y, “Kai ly angveirym bo; kai i vui nangmy leu pei naichi ly reita cha-iu theung y awm;

SAM 69:35

Mymy ly Zion mawi ai atleu iy, Juda marychi ai sa palum teang ai; Mymy i khumichi ly huni marychira y awm naimy pri amtym u ai.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 58:12

Nangchi i khumichi py, phra seaungkhrang joja nai yhm hlauchi ai langdeng kangngymchi salo y sa u teang ai. Nangchi ly phra seaungkhrang nai mary apaichi sa palai iy, anawi seaungkhrang nai yhm hlauchi hawi lamchi py, sa palai teang nai khumichi, nanai palau nai avum u ai,” napi.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

MIKHA 6:7

Kai ly beram sang neangneangchi ai py, olive asitui tavo leaung na pa-rei py, kasyn baly Areng my kawn pi na a? Kai i kamngo lawi ai nai nang teng y kai i chapo chalu talam ai a?

MIKHA 7:11

Jerusalem mary i khumichi awi, mary apaichi ai kangtha sa palai nai neng tym bo. Huna nai khala y nangchi i khu ka-peang ly kau ai.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

EPHESI 1:5

hunaibaly mymy i tamen naira nang parai nai sai palo ai nai, mymy i kangai kawn nai kamta ly Isu Krista i saho y achi ai mymy i vui chanau y ang palawn ai nai ang khai rym chum veng nai bo.

EPHESI 1:9

mymy i kangai leu thui nai sai ang pany hai nai ne;

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

II THESALONIKA 1:11

Achi i Tameuh my ang palau naira y ly palau ai ataing nai ang sa rym thai ai nai hawi, ym naira y atiti sa nai cheaungkhang mymy i atiti sa thai naira y nangchi ai sa hai thai ai nai, kaichi ly chiu kang sa pi jojo nai he.