SAM 51:14 - Khumi Common Language Bible

¹⁴ Aw Tameuh, kai i hengra ai pahen kyh ba; kai ai atleu kyh ba; kai ly nang i leu meitang adyh adawi nai satang ai amo theu parai naimy amthang hai ba.

SAM 51:14 ပူးပေါင်းရင်းမြစ်များ

ATITI AWM ANGCHEI NAI 42:22

Naibaly Ruben my, “Kaimy huni deaungdi ai no pei moh, napi i py nangchi tangai u y. Vai achi ly mymy i dei nai molam y vawitheung ang tym nai bo he,” napi.

ATITI AWM ANGCHEI NAI 9:6

Tameuh mymy ka-tawm khyp naimy khumi ai sa nai ne i, amimi py khumi ai padei nai keung ai ly ami my padei teang ai.

2 SAMUELA 12:9

Nang ly ati mana nai y, kai i leu pei nai tangai y lawh mo? Ati mana nai hini hawi y naira sa lawh mo? Nang ly Uriah ai tavai keung y dei hai bo. Ammon khumichi ai ly ni ai padei ai nai pei iy, ni i aju ai la vui lawh ly!

2 SAMUELA 21:1

Davida i peang nai thym khala y saneng thomrei ly khri pa-rei takang theu bo. Hunai deaungkho y Davida ly Areng teng y hnei takeng i Areng my, “Sawla ly Kibeon mary i khumichi ai padei nai molam y, ni hawi ni i yhm dengtheungchi ly khumi padei nai kamngo awm nai deaungkho y, hini patang naira tym nai ne,” napi.

2 SAMUELA 3:28

Hini satang Davida my thai nai khala y ni ly “Abana ai padei nai molam y kai hawi kai i mipuichi ly kamngo pipi akau y leang, nanai Areng my pany nai ne.

EZARA 9:13

Kaichi ly kaimychi i kamngo nai molam y hina tanrei pajeng naira avum u teu i py, aw kaichi i Tameuh, nang ly kaichi i tlang tleaung y pajeng ai nai avo khyp teu i py, nang i pahen nai saho y tlang vui tem hai y nai ne, nanai kaichi pany.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

SAM 25:5

Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 26:9

Kai ai kamngo sa nai khumichi hawi vanrei taphra moh kyh ba. Khumi ai padei naichi i taham kasi avum hai moh kyh ba.

SAM 35:28

Huna nai khala y kai ly nang i adyh adawi hai nai sai amthang hai ai. Kani khengrei nang ai kang palo ai.

SAM 38:22

Kai ai atleu nai keung Areng, vaimy kai ai sabawm ba!

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

SAM 68:20

Achi i Tameuh ly atleu nai keung Tameuh ne; mymy ly Areng, deira i nai atleu nai, achi i Areng ne.

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

ISAIA 12:2

Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

Ezekiela 33:8

Kaimy khumi hawi y nai leaungrei ai dei ai nai tla, nanai thui baly, nang ly huni khumi dei y ai nai ni i sa nai sai takhra vui ai nai pany hai pi ai nai tla. Pany hai pi y lawh baly, ni ly kamngo sa nai khumi ne i dei ai. Huna nai khala kai ly huni dei nai khumi i thi molam y, nang i phu ne ai.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HABAKKUK 3:18

Aw Areng Tameuh, nang ly kai i atleu keung ne nai deaungkho y, kai ly amo theu naimy awm ai.

AMTAW 18:6

Na i py nichi my khri pa-rei paka i thui tamawn nai kha y Pawla ly mymy i kanih takhym i mymychi teng y, “Nangchi i thi ly nangmychi i lu y tym sy, kai ly chai bo; kai ly vai i dengdairei Cheng Takhrachi teng y kachei ai,” napi.

AMTAW 20:26

Hunai deaungkho y kai ly khumi bawibawi i thi y lawi bo, nanai vaini ly kang thai hai bo.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.