SAM 51:11 - Khumi Common Language Bible

¹¹ Nang i mei ka-niu i nai kai ai patheu vui moh ba; nang i Phailo Kachai kai teng i nai lo pi veng moh kyh ba.

SAM 51:11 ပူးပေါင်းရင်းမြစ်များ

ATITI AWM ANGCHEI NAI 4:14

Nang ly kai ai hini khaileaung i nai patheu vui bo. Nang i mei ka-niu i nai py patheu vui bo. Kai ly yhm hlau by y nai khumi ka-jau lawm ai bo; naibaly kai ai avum nai khumi ngiereichi ly ang padei ai,” napi.

ATITI AWM ANGCHEI NAI 6:3

Naibaly Areng my, “Kai ly khumichi ai heng sau hai y leang bo; nichi ly dei nai amjychi ne. Vai i dengdairei saneng 120 rei heng hai ai khyh bo,” napi.

2 SAMUELA 7:15

Na i py nang teng y samrang au pajau ai nai, kaimy pala vui nai Sawla teng i peang naira la pi veng nai kamta, nang teng i la pi veng ai ny y.

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

2 ARENG KEH 23:27

Areng my, “Kai ly Israela pri y sa nai kamta Juda pri y py sa ai. Juda khumichi ai kaimy i mei ka-niu i nai, kapatheu vui ai. Kaimy vawi takhra nai Jerusalem mary hawi, kai ai chiu ai nai meingtym kapalawn nai Achura yhm malawn py, kaimy khai su ai,” napi.

2 ARENG KEH 24:20

Areng ly Jerusalem mary i khumichi hawi Juda pri i khumichi ai, khri pa-rei kado theu nai deaungkho y, mymy mei ka-niu i nai patheu pawn nai ne.

SAM 43:2

Nang ly kai ai ama hai iy kry nai keung ne; ati mana nai y kai ai khai su lawh mo? Kai ly ati mana nai y paleung ka-echi i pahyp y naimy ana nai avum veangveang lawh mo?

SAM 71:18

Vai i neng y kai ly miteaung cheang bo i, sam py pau bo; aw kai i Tameuh, kai ai khai su moh kyh ba! Kai ly mo mang i katu chanau kangpreang bawibawichi teng y, nang i sa thai naira nang parai nai satang amthang hai nai khala, kai hawi vanrei awm kyh ba.

SAM 71:9

Vai i neng y kai ly miteaung cheang nai deaungkho y, kai ai khai su moh ba. Vai ly kho bai bo i, kai ai khai su moh kyh ba.

JEREMIA 7:15

Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.

LUKA 11:13

Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

JOHAN 14:26

Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

ROM AVANGCHI TENG Y PAWLA I CHA PA NAI 8:9

Na i py Tameuh i Phailo ly nangmychi y awm tatang baly, nangchi ly tlang i reita y awm nai ny y i, Phailo i reita y awm u nai teu. Na i py ami py Krista i Phailo by y nai khumi ly mymy i khumi ny y leang.

EPHESI 4:30

Tameuh i Philo kachai ai ly paleung mawn hai u moh, mymy y ly nangchi ai atleu nai kani i vui ly ang pajawp hai typ bo.

II THESALONIKA 1:9

Huni kani y ly mymy i khumi kachaichi y palo naira nga ai nai hawi, ym nai bawibawichi y rengrang tlai napi naira nga ai nai ang jeu nai khala ly (kaichi i pany hai nai leu ym u nai deaungkho y),

TARA CHIH NAI KEUNGCHI 13:25

Naibaly deaungdi ly Zorath mary hawi Setola mary sala, Dan i tai naira y awm nai thym khala, Areng i sa thai naira ly ni ai atho awm hai amteaung bo.

TARA CHIH NAI KEUNGCHI 15:14

Lehi meingtym y tym nai khala, Philistia chengchi ly aeu naimy ni teng y angpreng u. Areng i sa thai naira ly tlenrei khyhmy Samson teng y atho ham hai nai deaungkho y, ni ly my i kiuchi ai kawmcheng nai vuinawnchi ly mai my kang nai kalang amai kamta, leuby hai vui nai ne.

TARA CHIH NAI KEUNGCHI 16:20

Ni ly Samson! Philistia chengchi ang jeu u bo! nanai aeu. Huna nai khala Samson ly ira i nai ang thau iy, angchei khala i kamta ly vai py mymy lawm teang lym ai, nanai athang khai; mymy ai Areng my khai su veng bo, nanai pany y.

1 SAMUELA 10:10

Sawla hawi miseaung ly Kibeah mary y tym hawi nai khala, amo kamkawm phyreichi my, nini ai lamchung bo. Tlenrei khyhmy Tameuh i phailo ly Sawla teng y tym nai deaungkho y, ni ly amochi hawi vanrei lam naimy aeu bo.

1 SAMUELA 16:14

Areng i phailo ly Sawla teng i nai theu veng bo. Areng my phailo hawi y nai pato i, ni ai patang hai nai ne.