SAM 50:22 - Khumi Common Language Bible

²² “Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

SAM 50:22 ပူးပေါင်းရင်းမြစ်များ

2 SAMUELA 22:42

Nichi ly atleu ai nai keung hau i py, atleu nai keung by y; Areng ai palau u teu i py, pathang pi y.

JOBA 10:7

Kai teng y kamngo by y nai hawi, kai ai nangmy kiu i nai amimi py, atleu pajau y, nanai nang ly pany nai ne.

JOBA 8:13

Tameuh by y nai khumichi ly huni japang-eumuichi hawi atawm; Tameuh ai tami vui nai dengdairei, nichi ly athang khai naira by y nai lawm u bo.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 7:2

Atleu y lawh baly nichi ly khrangsi kamta kai ai atleu ai nai khumi by y nai meingtym mang y ryh ai i, keileu keileu piupa ai.

SAM 9:17

Tameuh ai khai su nai khumi bawibawichi hawi, khumi hawi y nai bawibawichi ly dei naira y lam tem u ai.

SAM 9:18

Tameuh ly ngari kamtang avum naichi ai mana khala py tami vai y leang. Khumi kamawnchi py deungrei athang khai naira by y nai lawm u ai ny y.

Parip nai leu 7:14

Nang i vui ati cheaungkhang amsym naimy awm nai khala, amo theu naimy awm ba. Na i py patang naira avum nai khala y Tameuh my amo theu ai nai hawi patang ai nai ang pei bawi reng; mo mang y mana lawm ai mo, nanai nang pany pajau y leang; hunichi ai adawn pasym ba.

ISAIA 51:13

Kani khusang ai khiu tapai iy, khaileaung y langdeng pala nai nangchi ai sa nai keung Areng ai nangchi ly tami veng bo sai a? Nangchi ai pahyp y naimy ana nai khumichi, nangchi ai tamyh pawn ai nai angveirym nai khumichi ai ati mana nai y nangchi ly jei u lyhlyh naimy awm u lawh mo? Nangchi i kado theu nai ly nangchi ai mana khala py, ka-jeira tym hai pajau y leang.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

Ezekiela 18:28

Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

HOSEA 13:8

Cho tama nai tavym kamta, nangchi ai kang be puipa ai. Khrangsi kamta avum nai meingtym y kei iy, daichi mawi kasi kamta theng piupa ai.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

AMOS 2:14

Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

HAKAI 1:5

Ati mana mo, nanai nangchi niu y nai sai a?

LUKA 15:17

“Naibaly ni ly adawn vau nai khala y, ‘Ngaai teng y ly tham naichi neangneang biu cho lei y nai awm nai iy, kai ly hi y biu kanglam y kadei ai lawh bo.

Leu Thui Nai 32:18

Nichi ly sa thai naira awm nai atleu keung, mymychi ai hengra pei nai keung Tameuh ai tami u vui bo.

Leu Thui Nai 32:39

“Kai leaungrei naini Tameuh ne; kai naini Tameuh tatang ne. Kai ly hengra la pi veng thai, hengra py kapei thai, hawi py sa thai; kai i sa nai ai ly ami py paka pajau y leang.