SAM 50:21 - Khumi Common Language Bible

²¹ Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 50:21 ပူးပေါင်းရင်းမြစ်များ

JOBA 34:33

Nang ly Tameuh i sa nai ai ei vui nai deaungkho y, nang ly nangmy i ngai nai kamta, Tameuh my ang sa pi ai, nanai athang khai pajau ai a? Hini molam y adawn pasym ai nai khumi ly nang ne, kai ny y. Nang i dawn tau nai kaichi teng y thui pi be.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 50:8

Nangchi ly kai teng y apathyp nai hawi leng patlum nai kapathyprachi talam amtawn jo nai deaungkho y, kai ly nangchi ai kang chih ai nai ngai y leang.

SAM 73:11

Nichi my, “Tameuh ly pany ai ny y leang; salo kangteng y awm nai keung ly niu pajau ai ny y,” nanai thui u.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

THEU NAI 3:14

Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

Parip nai leu 12:14

Achi i sa nai leaungsai bawibawichi ai hawi nai py ne sy, hawi y nai py ne sy, kangviu y sa nai saichi py ne sy, Tameuh my tara chih ai.

ISAIA 26:10

Nang ly khumi hawi y naichi ai pahen teu i py, nichi ly kateng sa ai nai pany u y. Khumi kahawichi i awm nai hini pri y malawn py, nichi ly hawi y naichi sa u. Nang i nang parai nai ai py, dawn dang u y nai ne.

ISAIA 42:14

Tameuh my, “Kai ly neng kra parai naimy kaawm pypy nai ne. Kai i khumichi ai leu pathang pi y. Na i py vai ly bawi la ai nai neng tym dudu bo. Kai ly deaungdi tapen nai avum nai neampachy kamta hang nai ne.

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

AMTENG HAI NAI 3:19

Kai i tamen nai ngiereichi ai ly parip py kang parip, chip py kang chip: hunai deaungkho y atho sa jojo iy, uikhei ly.