SAM 5:10 - Khumi Common Language Bible

¹⁰ Aw Tameuh, nichi ai tahm panem ly pajeng kyh ba; mychi i hawi y nai katauchi my ly mychi ai naini phra naira tym hai ba. Mychi i kamngo nawi nai sai molam y hawi, nang ai tiu u nai molam y py, nichi ai nang i mo i dengdairei patheu pi pawn ba.

SAM 5:10 ပူးပေါင်းရင်းမြစ်များ

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

SAM 10:15

Khumi aso y naichi hawi khumi hawi y naichi i sa thai naira ai khei pi pawn ba. Nichi ly hawi y nairachi so ali bi y pa-rei kamngo pajeng pi kyh ba.

SAM 107:11

Ati mana nai mo nabaly Tameuh i leu pei nai tangai y iy, ati cheaungkhang sa thai nai keung i leu pei naichi ai khai su nai deaungkho y ne.

SAM 17:13

Aw Areng, jeu ba! kai i paleung ka-echi ai neaung vui iy, taphra pi pawn ba! Nang i haisau hawi, khumi hawi y naichi kiu i nai kai ai atleu pi kyh ba.

SAM 31:18

Paleung len amlyh naimy khumi kahawichi ai thui preaung reng nai khumi katapawpchi i labeaung ai tamyh vui ba.

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 55:15

Kai i paleung ka-echi ly dei kani tym y naimy dei u sy; kangheng tang naimy tavau kho y chei u sy! Nichi i yhmchi ly hawi y naira kawi nai meingtymchi ne; nichi i paleung ly hawi y naira kawi na bo.

SAM 66:7

Mymy ly nang parai nai hawimy peang jojo iy, khumi cheng cheaungkhangchi i kheulang ai khen bo. Ami py mymy ai tiu moh sy.

SAM 71:13

Kai ai tiu nai khumichi ly sum iy phra u sy. Kai tamo kalem nga pa-rei atho sa u nai khumichi ly kangji nga iy tahm anem u sy.

SAM 79:12

Aw Areng, nang ai mei aniu y nai leu thui u nai prichi ly phy saryhrei mei aniu y naira avum hai ba.

ISAIA 1:2

Areng my, “Khaileaung hawi kani khusangchi awi, kai i leu pei nai tangai u! Kaimy pacho panei nai deaungdichi ly ang tiu u lawh bo.

ISAIA 1:20

Na i py kai i leu tangai ai nai akhi vui iy, kai ai amtang u lawh ai nabaly nangchi ly myh kang u ai. Hini ly kai Areng my leu pei nai ne,” napi.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

TANGAM NAI LEU 1:5

Ni i paleung ka-echi ly ni ai pajau i, nichi i peang nai anui y khai bo. Ni ly kamngo neangneang sa tamang i, Areng ly ni i tlang tleaung y, ngari kamtang tym hai nai ne. Ni i cho chanauchi ai ly patiu pawn iy, langheng hawi vui bo.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

Leu Thui Nai 2:30

“Na i py samrang Sihon ly achi ai ni i pri theung mang tako prei ai nai pei y. Nangchi i Areng Tameuh my huni samrang i paleung tang hai nai deaungkho y, achi my ni ai tiu pajau vui i, ni i pri peang vui iy vaini khrairei achi ly hu y khuteng sa jo nai ne.

1 SAMUELA 25:29

Khumi leaung leaungrei ly nang ai tiu iy padei ai nai atho sa lawh teu baly, khumi ly vang kateng vawnsai ai kryme reng nai kamta, Areng ly nang ai chymme naimy ang kry ai. Nang i paleung ka-echi ai ly khumi my lengseaung akawi ai lijai hawi ko nai kamta, palo parai naira mang y nangmy aphi vui ai.

1 SAMUELA 25:39

Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.