SAM 49:14 - Khumi Common Language Bible

¹⁴ Nichi ly beramchi kamta dei u ai nai ne. Deira ly nichi i beram typ keung lawm ai. Nichi i tlang ly mychi i yhm hawi palo parai nai tavau pri y kra y naimy veaung tlawn nai khala, khumi kahawichi ly nichi ai pajau u ai.

SAM 49:14 ပူးပေါင်းရင်းမြစ်များ

JOBA 21:13

Nichi ly tlamsa naimy tlang tem pa-rei awm iy, no patang naira avum y naimy awmnem i, dei u bo.

JOBA 21:26

Na i py khumi luteng ly dei iy khaileaung y a-up chum baly, thaideaungchi my tabawm nai avum u bo.

JOBA 30:23

Mymy ly kai ai dei areng teng y tha nai ne, nanai kapany. Hini khym taham ly khumi luteng avum ai nai khym taham ne.

JOBA 4:21

Ni ly my i yhmtheaung katui ngiereichi sum i iy. tau kacheng by y naimy dei nai ne,” napi.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 39:11

Nang ly khumi ai mymy i kamngo molam y parip iy pajeng bo. Ni i ngaiphi nai saichi ai mipo kamta, nangmy taphra pi pawn veng bo. Meitang khyp, khumi ly taho kathiu, taho kalau nai ryrei khyh lawh ly!

SAM 44:11

Nang ly kaichi ai beramchi kamta tleh hai iy, pri takhra mang y ahei hai bo.

SAM 47:3

Mymy ly achi ai khumi cheng cheaungkhangchi ai pajau hai iy, pri tleireichi ai peang hai bo.

SAM 9:17

Tameuh ai khai su nai khumi bawibawichi hawi, khumi hawi y nai bawibawichi ly dei naira y lam tem u ai.

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

JEREMIA 12:3

Na i py aw Areng, nang ly kai i satang pany; kai i sa nai saichi py niu, nang ai mana tanrei kang tamen mo, nanai py nang pany. Huna nai hawi y nai khumichi ai tleh ai nai beramchi kamta, patheu jo bo. Padei nai neng tym y ryrei ly nichi ai khen patawm bo.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

DANIELA 7:22

Naibaly deungtasarei heng nai keung ly tym i, tahm asang parai nai Tameuh i khumi kachaichi molam y, tara chih pi nai ne. Tameuh i khumichi ly samrang i sa thai naira nga ai nai neng tym bo.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

ROM AVANGCHI TENG Y PAWLA I CHA PA NAI 8:36

“Nangmy deaungkho kaichi ai ly kani khengrei ang padei, Kaichi ai ly beram tleh ai naichi kamta ang dawn nai ne,” nanai tajiu nai kamta.

I KORINTH 6:2

Ti y baly khumi kachaichi ly khaileaung pri ai chih ai nai pany u y nai sai a? Naibaly nangchi ly khaileaung pri ai malawn py chih ai nabaly atiti theang keh naichi ai py chih ai nai ataing y a?