SAM 48:14 - Khumi Common Language Bible

¹⁴ Huna nai khala nangchi ly “Hini Tameuh ly deungtasa khrairei achi i Tameuh ne; mymy ly achi ai deungtasarei ang pahawi ai,” nanai mo mang i deung kangthauchi teng y thui pi pajau ai.

SAM 48:14 ပူးပေါင်းရင်းမြစ်များ

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

SAM 16:2

Kai ly Areng teng y, “Nang ly kai i Areng ne; kai i nga nai hawi naira ngierei ly nangmy pei naichi ne,” napi.

SAM 25:9

Paleung apanem nai khumichi ai lam kateng mang y pahawi iy, nang i kangai patiu pi kyh ba.

SAM 31:14

Na i py aw Areng, kai ly nang ai kang ym; Nang ly kai i Tameuh ne.

SAM 71:18

Vai i neng y kai ly miteaung cheang bo i, sam py pau bo; aw kai i Tameuh, kai ai khai su moh kyh ba! Kai ly mo mang i katu chanau kangpreang bawibawichi teng y, nang i sa thai naira nang parai nai satang amthang hai nai khala, kai hawi vanrei awm kyh ba.

SAM 73:24

Nang ly kai ai tau pei naimy lam patei ai i, kangkhym y ly kai ai tahm pasang ai nai ngai ai.

SAM 73:26

Kai i tlang hawi paleung ly atho di ai; na i py Tameuh ly kai i ham naira ne; kai ly nang ny y baly ami ai py aly ngai y.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

TANGAM NAI LEU 3:21

Na i py athang khai naira nga hai ali teang nai sai ly anui mang ichi ai kapany nai ne.

Kati Nai 9:22

Tamai ly Tabynako salo y kani nyhrei mo, lorei mo, sanengrei, ti y baly sanengrei bo y mo, khiu jo nai ryrei, nichi ly khuleaung amso u y nai ne. Na i py tamai angteang nai khala ly khuleaung amsa u teang bo.

JOHAN 16:13

Na i py mymy, Leu Meitang Phailo ang tym khala ly leu meitang bawibawi y ang pahawi ai: mymy i paseang amang nai leu thui y ai, mymy i leu thai nai ngierei ly ang thui pi ai; atiti tym ai naichi py ang pany hai ai.