SAM 47:4 - Khumi Common Language Bible

⁴ Mymy ly achi awm ai nai pri vawi takhra pi; huni pri ly mymy i tamen nai khumichi my amtym iy, tahm khai amlyh ai naira lawm bo.

SAM 47:4 ပူးပေါင်းရင်းမြစ်များ

SAM 136:22

Mymy ly huni pri ka-peangchi ai, mymy i miseaung Israela teng y pei pi bo; mymy i tamen nai ly deungtasarei ne.

SAM 16:3

Areng ai ka-ym awm nai khumi ly khri pa-rei hawi parai na lawh ly! Kai i ngai keh nai ly huni khumichi hawi vanrei awm ai nga nai ne.

ISAIA 60:15

“Nang ly khumi angso savai tlang iy nyn va nai niu ngai y naira avum nai mary lawm y leang bo. Kai ly nang ai nang parai iy apu parai nai, deungtasarei amo theu ai hawi nai mary lawm hai ai.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

Ezekiela 20:6

Nichi ai Aikupta pri i nai pahawi iy, nichi i vui khai pi yb nai pri y pahawi ai, nanai kaimy adeu pi nai ly huni neng khala ne. Huni pri ly kanutui hawi khawi hang leaung iy nang nai pri, apu parai nai pri ne.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

AMOS 6:8

Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

AMOS 8:7

Israela i Areng Tameuh my vaineng abeu nai ly: “Kai ly hini khumichi i hawi y sa naichi ai, mana khala py tami vui pajau y leang.

NAHUM 2:2

(Areng ly Israela chengchi ai paleung ka-echi my tiu y rai khala i awm nai kamta, awm ali teang nai neng tym hai ai.)

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

Leu Thui Nai 11:12

nangchi i Areng Tameuh my saneng jeungrei kry jojo nai pri py ne.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

I PETERA 1:4

mawn thai y nai yhmtheaung kamtym, anyng akau y nai, rawm thai y nai kani pri mang y nangchi i vui khai pi nai py nga ai nai achi ai ang tapen hai bi bo;