SAM 47:1 - Khumi Common Language Bible

¹ Khumi cheng cheaungkhangchi awi, amo theu nai kiu tabeang u! Tao pajeng parai naimy khulym thui iy, Tameuh ai palo u!

SAM 47:1 ပူးပေါင်းရင်းမြစ်များ

2 SAMUELA 6:15

Naibaly samrang hawi Israela cheng bawibawichi ly amo theu nai aeu iy, bawchi eng naimy Leu Maikawm Pawm ai, Jerusalem mary mang y angjeaung u nai ne.

2 ARENG KEH 11:12

Naibaly Jehojada ly Joasa ai pahawi iy samrang lukhym adeung hai i, samrangchi i reita cha-iu talam pi. Naibaly Joasa ai samrang palyn nai asitui leih pi iy, samrang ne, nanai satang thai hai bo. Khumi mipuichi my py kiu tabeang iy, “Samrang ly heng sau sy!,” nanai aeu u.

2 NENG SATANG 13:15

Juda chengchi ly Abijah my lu sa i, athorei my aeu iy tiu u nai ne. Huna nai khala Israela chengchi ly Juda chengchi teng i nai preang u bo.

SAM 106:47

Aw kai i Areng Tameuh, kai ai atleu kyh ba; nang i amyn kachai ai palo u pajau ai nai py, nang teng y kawn nai leu thui u pajau ai nai py, kaichi ai khumi cheng cheaungkhangchi theung i dengdairei, palau teang kyh ba.

SAM 42:1

Aw Tameuh, sisiu chakhi ly savai tleng nai tavo tui kadeaung nai kamta, kai ly nang ai kadeaung nai ne.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

SAM 98:4

Khaileaung i khumi bawibawichi awi, amo theu naimy khulym thui iy, Areng i nang parai nai ai palo u; khulymchi thui iy amo theu aeu naimy, mymy ai palo u!

SAM 98:8

Tavochi awi, nangchi i kiu tabeang u; mawichi awi, Areng ly khaileaung pri y peang ai nai ang jeu bo i,

ISAIA 55:12

Nangchi ly Babulon pri i dengdairei, amo theu parai naimy theu u ai. Mary theung i nai tlamsa naimy pahawi nai avum u ai. Mawi katheang kalenchi ly aeu naimy khulym thui u ai. Dengkeaung keungchi py, amo theu parai naimy aeu u sau ai.

JEREMIA 31:7

Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

ZEPHANIAH 3:14

Aw Israela khumichi awi, amo theu naimy khulym thui u! Aw Jerusalem mary awi, nang ly paleung pathym hawi verei amo theu u!

ZEKHARIAH 4:7

Mawichi kamta khri pa-rei rai nairachi ly nang i mo y tama vui ai. Nang ly Achura yhm sa palum teang ai. Yhm taki i lengseaung tleangleang nai sa chum nai khala y, mipuichi my, ‘Apu parai na a, apu parai na a!’ nanai aeu u ai,” napi.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

1 SAMUELA 10:24

Samuela my khumichi teng y, “Areng my vawi takhra nai ly hini khumi ne he! achi theung y ni hawi atawm nai khumi leaungrei py by y,” napi. Khumi bawibawichi my py, “Samrang ly heng sau sy!” nanai aeu u bo.