SAM 46:5 - Khumi Common Language Bible

⁵ Huni mary pui ly Tameuh i awm naira ne nai deaungkho y, mana khala py phra pajau y; khutawi mo neng khala mymy ly ang jeu iy, huni mary y sabawm ai.

SAM 46:5 ပူးပေါင်းရင်းမြစ်များ

SAM 112:6

Khumi kahawi ly mana khala py sum ai ny y; khumichi ly ni ai mana khala py tami ai ny y.

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 143:8

Nang i khaw parai nai tamen naira ly kai ai khawn tleirei pany hai jo kyh ba; kai ly nang ai ym nai ne. Kai i chiu sa nai nang teng y tym sy; kai i tako ai nai lam patei pi kyh ba.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 37:40

Mymy ly nichi ai sabawm iy atleu bo. Nichi ly mymy teng y abyh u nai ne i, mymy ly nichi ai khumi hawi y naichi kiu i nai atleu bo.

SAM 62:2

Mymy naini kai i abyhra lengseaung, kai ai atleu nai keung ne; mymy ly kai i khengsi apai lawm bo; kai ly mana khala py sum ai ny y.

SAM 62:6

Nang naini kai i abyhra lengseaung, kai ai atleu nai keung ne; nang ly kai i khengsi apai kamta ne; kai ly mana khala py sum ai ny y.

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

THEU NAI 14:24

Khutawi en khala Areng ly tamai angjawi hawi maiteaung mang dengdai, Aikupta tavaimichi ai khen kathiu i, nichi ai ahei hai phro bo.

THEU NAI 14:27

Hunaibaly Mosi ly pangli salo y kiu pheu i, khawn khutawi nai khala pangli tui ly angchei i kari kamta awm teang. Aikupta chengchi ly tui theung i lawi ai nai atho sa u; na i py Areng my ly nichi ai tui y anum hai chauchau bo.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

Ezekiela 43:9

Vai ly nichi kamleaung sa nai hawi, tameuh takhrachi ai chiu nai anawn iy samrangchi i veu py patheu u pawn ai nai tla. Huna nai kamta sa u lawh baly kai ly nichi teng y deungtasarei awm jojo ai,” napi.

Ezekiela 47:1

Huni khumi ly kai ai Achura yhm mang y kun nai katheu pa-khora y ang hawi ali teang bo. Tui ly katheu kheutang anui mang dengdairei maicham i tokalawi ngan mang y leaung prei i, Achura yhm mang y mo tha nai nisi ngan mang y leaung jo nai ne.

HOSEA 11:9

Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

JOELA 2:27

Aw Israela chengchi awi, kai ly nangchi ai kang awm hai nanai py, kai, Areng ly nangchi i Tameuh ne iy, kai ny y baly Tameuh takhra by y nanai py, huna nai khala y nangchi pany u ai. Kai i khumichi ly mana khala py, thui tamawn nai avum u bi ai ny y.

ZEPHANIAH 3:15

Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

MATTHAI 18:20

Naibaly mani meingtym y py leaung nyhrei mo leaung thomrei mo kai i amyn y achu baly mychi theung y kaawm ai,” napi.

LUKA 18:8

Kang thui pi, mymy ly nichi ai vawitheung tha pi praw ai. Na i py Khumi i Chapo jeu ai nai neng khala ly khaileaung pri y ym naira niu ai a?” napi.

Leu Thui Nai 23:14

Nangchi i tai naira ai ly nangchi ai ama hai iy, tavai eaung hai ai nai, nangchi i Areng ly tai theung y nangchi hawi vanrei awm nai deaungkho y, tai ai ly reita leaungsai y kachai khai ai nai tla. Areng my nangchi ai ang khai su y ai nai, chai y nai ngiereichi sa ai nai avo y.

AMTENG HAI NAI 2:1

“Ephesi avang palau takhra kamkawm i kani pri i amtaw thau nai teng y hinai kamta tajiu: ‘Lamtang mang i kiu y ka-si saryhrei syn nai, muku maisi khai naira theung y aleaung nai keung i leu thui nai ly hini ne he: