SAM 46:4 - Khumi Common Language Bible

⁴ Tameuh i mary pui napi nai tahm asang parai nai Tameuh i yhm y amo theu hai nai tavo awm.

SAM 46:4 ပူးပေါင်းရင်းမြစ်များ

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

SAM 23:2

Mymy ly kai ai acha heng-a meingtymchira y anawn hai; Awmnemra tavo micheaung mang y ang pahawi bo.

SAM 43:3

Nang i kangvang hawi leu meitang pato iy, kai ai nang i Zion mawi kachai mang py, nang i awm nai Achura yhm mang py, pahawi ali teang kyh ba.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

SAM 48:8

Mymy sa nai leaungsaichi achi thai vai bo; huna nai thai u vai nai kamta, ati cheaungkhang sa thai nai keung napi nai Tameuh i mary puira y, vai achi niu u bo. Mymy ly huni mary pui ai deungtasarei chymme ai nai khai ai.

SAM 65:9

Nang ly kanitui pala pi nai deaungkho y, khaileaung ai kry, nanai pany hai bo; khaileaung ai khaileaung kathau kawi hai na bo. Nang ly tavo micheaungchi ai tui kawi hai; khaileaung y amti amjangchi thawn hai bo. Nang i sa nai saichi ly hina nai kamta ne;

SAM 87:3

Aw Tameuh i mary pui, mymy ly nang i satang lyh ai awm nai, vai ang thui pi nai ly tangai ba.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

SAM 92:1

Aw Areng, nang teng y kawn nai leu thui nai py, tahm asang keh nai Tameuh, nang i nang parai nai ai palo nai khulym thui nai py,

SAM 92:8

Ati mana nai mo nabaly, Areng ne nai aly peang naira asang keh nai keung ne nai deaungkho y ne.

SAM 93:3

Aw Areng, suida pangli ly aeu nai katyn amsau na bo; suida pangli tui sampyh katyn ly amsau na bo.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

MIKHA 6:6

Kani pri mang y awm nai Areng Tameuh teng y chiu sa ai nai jeu nai khala y, kai ly ati kapathypra syn ai mo? Veung hawi nai si cho ai leng patlum ai nai kasyn ai a?

HEBRAI 12:22

Na i py nangchi ly Zion mawi teng y hawi, Tameuuh kangheng i avang kani mang i Jerusalem teng y hawi, tep rep ma pany y nai kani pri i amtaw thau nai kamkawmchi teng y hawi,

AMTENG HAI NAI 21:10

Naibaly ni my ly Phailo y kai ai mawi pui hawi ka-sangra y la vui i, Jerusalem avang pui kachai, Tameuh i nang parai naira awm naimy, Tameuh teng i kani pri mang i dengdairei satla nai ang khen hai: