SAM 45:7 - Khumi Common Language Bible

⁷ Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

SAM 45:7 ပူးပေါင်းရင်းမြစ်များ

1 ARENG KEH 19:16

Nimshi i chapo Jehu ai py Israela samrang y palyn nai asitui leih pi. Abel Meholah mary i awm nai Shaphat i chapo Elisa ai nang i meingtym amtym ai nai asitui leih pi.

SAM 101:8

Kaichi i pri y awm nai khumi aso y naichi ai ly, kaimy kani tleirei tamyh vui ai; Areng i mary pui i dengdairei, khumi hawi y nai bawibawichi ai, kaimy patheu pawn ai.

SAM 11:7

Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 21:6

Nang i amtheaung nairachi ly ni i tlang tleaung y avawrei tym hai bo. Nang ly ni i sahawi y awm nai deaungkho y, ni ly amo theu nai ne.

SAM 33:5

Areng ly meitang naimy tara chih nai ai khei nai ne. Mymy i khaw parai nai tamen naira ly khaileaung pri y khiu bo.

SAM 89:20

Kai i miseaung Davida ai asitui leih iy, kaimy samrang kapalyn nai ne.

SAM 89:26

Ni ly kai teng y, “Nang ly kai i ampo hawi kai i Tameuh, nang ly kai i abyhra hawi kai i atleu keung ne,” nanai thui ai.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

Levi 8:12

Huni bo y ni ly asitui maidenrei hawi Aron i lu tleaung y leih iy, pathyp pi nai keung y tahm palyn bo.

MATTHAI 3:15

Na i py Isu my ni teng y, “Vai avo tanga sy, hinai kamta hawi naira bawibawi patawm ai nai ly ani i vui y apu,” nanai pathang. Hunaibaly avo napi bo.

MATTHAI 7:23

Naibaly huni khala y ly kai ly nichi teng y, ‘Kang pany kang pacha y leang: nangchi atiti hawi y sa naichi awi, kai teng i nai leh u pawn,’ nanai kanapi ai.

LUKA 13:27

naibaly ni my ly, ‘Kang thui pi, nangchi ma mang i awm nai mo kang pany kang pacha y leang; kamngo sa nai bawibawichi awi, kai teng i nai leh u pawn,’ nanai ang napi ai.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 2:28

Nang ly kai ai heng nai lam patei bo, Nang i meimai my kai ai kawn nai kawi hai ai,’ napi.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

HEBRAI 1:9

Nang ly hawi naira ai ly ngai i, hawi y naira ai ly nang ly niu ngai y; hunai deaungkho y Tameuh, nang i Tameuh ly nang i ahawichi tleaung y ly nang i tlang tleaung y amo theu nai rimui khri pa-rei ang thi nai bo he,” napi.

HEBRAI 2:14

Hunaibaly mymy ly dei naira i saho y dei naira ai aly peang nai keung (huni ly Diabola ne), tama hai thai ai nai hawi, dei naira ai jei nai deaungkho y heng nai sala y miseaung y awm nai bawibawichi ai ly lawi hai thai ai nai,

HEBRAI 7:26

Hunai kamta pathyp pi nai keung kalen keh, khumi kachai, ka-di ka-de y nai, anyng akau y nai, khumi kamngochi teng i nai awm takhra iy, kani tleaung y salo keh naira y tym hai nai ly achi i vui awm angchi yb nai ne;

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.

1 SAMUELA 16:13

Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.