SAM 45:5 - Khumi Common Language Bible

⁵ Nang i thai meaungchi ly chiu nai deaungkho y, paleung ka-echi i paleung pakawi y pri na bo. Khumi cheng cheaungkhangchi ly nang i kheu keung y atlym u nai ne.

SAM 45:5 ပူးပေါင်းရင်းမြစ်များ

SAM 21:12

Ni ly thailiho hawi ko i, nichi ly anaw iy ang preng hai ai.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 38:2

Nang ly kai ai thailiho hawi ko iy tamo nga hai bo. Nang i kiu my nui i, kai ai atlym hai bo.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

Kati Nai 24:8

Tameuh my nichi ai Aikupta pri i dengdairei pahawi bo; nichi ly salen katai kamta atho len. Nichi ly mychi i paleung ka-echi ai tiu nai pajau; paleung ka-echi i hiuchi hawi, nichi i thailihochi ai py khei piupa pawm bo.

AMTAW 2:37

Naibaly huna nai leu thai i nichi i paleung y thun iy Petera hawi abangnai takhrachi teng y, “Amjo amnauchi awi kaichi mana sa ai mo?” napi.

AMTAW 2:41

Naibaly ni i leu tangai nai ngierei ly baptisma nga bo, naibaly huni kani y ly khumi sang thomrei awm panawi bi.

AMTAW 4:4

Na i py leu tangai naichi theung y neangneangchi my ly ym, nichi i nawi nai sai ly neampacho ka-cheang ryry naimy sang pangrei awm.

AMTAW 5:14

Naibaly neampacho neampachy neangneang Areng ai ym i panawi ra bi bo.

AMTAW 5:33

Naibaly nichi ly huni leu thai baly khrikhri pa-rei paleung yh-i na i, nichi ai padei ai nai tau bo.

AMTAW 6:7

Naibaly Tameuh i leu ly ahei ryh ahei ryh i, Jerusalem y py abangnaichi khrikhri pa-rei peung bo; pathyp pi nai keungchi i kamkawm theung y py neangneangchi ly ym naira patawm bo.

AMTAW 7:54

Naibaly nichi ly huni leu thai iy paleung yh-i na i, mymy i tlang tleaung y ho akachai.