SAM 45:3 - Khumi Common Language Bible

³ Sa thai naira len parai nai keung awi, haisau atai ba; samrang ly sa thai naira hawi phum-ang kawi angym nai ne.

SAM 45:3 ပူးပေါင်းရင်းမြစ်များ

JOBA 1:16

Huna nai huni khumi my thui pi i, leu tem y rai khala my takhra miseaung leaungrei tym i, “beramchi hawi beram typ nai keungchi ly alipakang tla hai i, dei u be bo; kaimy leaungrei naini tleaung khyh i, areng nang teng y kang jeu iy, satang kang thai hai nai ne,” napi.

SAM 104:1

Aw Kai i phailo, Areng ai palo! Aw kai i Areng Tameuh, nang ly khri pa-rei nang parai! Nang ly sa thai naira phum-angchi hawi amthyp nai ne.

SAM 145:12

Hina nai y khumi bawibawichi ly nang i sa nai saichi ai py, nang i pri nang parai nai saichi ai py, pany u ai.

SAM 145:5

Nichi ly nang i nang parai nai saichi hawi, tahm asang nai saichi thui u ai; kai ly nang i sa nai lyh ai hawi parai naichi adawn pasym ai.

SAM 21:5

Nangmy sabawm nai deaungkho y, samrang ly sa thai naira angvang na. Nang ly ni ai amthang leaung ai nai hawi, apu parai naira pei pi bo.

SAM 21:7

Samrang ly ati cheaungkhang sa thai nai Areng ai ym nai ne. Areng i khaw parai naimy tamen nai saho y ni ly chymme ai.

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

Solomon i khulym 2:3

Kai i khrei keh nai ai takhra neampachochi hawi pata cham baly, ni ly daichi thengreung theung i dengkeaung keungchi sala y prau nai apple keung hawi atawm. Kai ly ni i ka-khui anui y anawn ai nai nga; huni i athai kacha i, tui parai nai ne.

Solomon i khulym 5:13

Ni i tangbengchi ly asi keungchi, mui katui keungchi hawi kawi nanai akho kamta khen apu parai. Ni i labeaungtengchi ly mura asituichi pajui nai jeupawm pauchi hawi atawm.

ISAIA 49:2

Mymy ly kai i labeaung ai haisau kamta chiu hai iy, mymy kiu hawi kai ai ama hai bo. Mymy ly khai yb nai thailiho chyn chiu parai nai kamta, kai ai lawm hai nai ne.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

ROM AVANGCHI TENG Y PAWLA I CHA PA NAI 14:9

Huni deaungkho y khypkhyp Krista ly kadeichi hawi kanghengchi i Areng lawn thai ai nai dei py dei i, heng py heng teang bo.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 4:12

Ati mana nai mo nabaly Tameuh i leu ly heng i atiti sa thai, haisau bo nyhrei awm nai tleaung y py chiu i, hengra hawi phailo py, hiu lenglaw hawi aleng khawi takhra pa-rei thun pajau:paleung y dawn nai hawi tau naichi py chih praw thai nai ne.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

JUDA 1:25

Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.

AMTENG HAI NAI 1:16

Naibaly ni ly mymy i lamtang mang i kiu y ka-si saryhrei syn i, my i labeaung dengdairei haisau kachiu bo nyhrei awm nai theu bo; naibaly mymy i meimai ly kanito kangvang sadi pa la nai kamta ne.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.

AMTENG HAI NAI 19:21

Naibaly kalangchi ai ly keaungngo tleaung y atang nai labeaung i dengdairei theu nai haisau y ly tleh bo; naibaly tavo bawibawichi ly nichi i ngan cha naimy kajeu kawi u bawibawi.

TARA CHIH NAI KEUNGCHI 3:16

Ehu ly my i vui miurei awm iy, bo nyhrei awm nai haisau harei sa; huni haisau ai my i lamtang phai, baichu ateaungchi anui y kawm tabom nai ne.