SAM 44:18 - Khumi Common Language Bible

¹⁸ Kaichi ly nang i tlang tleaung y vaineng taphra u y leang; kaichi ly nang i leu pei naichi tangai y nai by y leang.

SAM 44:18 ပူးပေါင်းရင်းမြစ်များ

1 ARENG KEH 15:5

Ati mana nai mo nabaly Davida ly Areng i kangai naini sa khyh nai deaungkho y ne. Samrang Davida ly Uriah i molam y ny y baly, ati takhra mana khala py, mymy i leu pei naichi taphra vai y.

JOBA 34:27

leu pei naichi tahm khai u y nai deaungkho y, mymy ly nichi ai, khumi mipuichi i mo y pajeng nai ne.

SAM 119:157

Kai ai ka-jo hau naichi hawi ana naichi ly nawi parai; na i py kai ly reita leu pei naichi tangai ai nai phra vai y leang.

SAM 119:51

Paleung len amlyh nai khumichi ly kai ai avawrei panui hai teu i py, kai ly nang i reita lam i nai hi vui y leang.

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

SAM 78:57

Mychi i amsi pajochi kamta leu tangai y i, tiu u bo; nichi ly thailiho ko nai khala y thailiho chyn kataw seaung y nai kamta, ka-ym by y nai khumichi ne.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

LUKA 17:32

Lota i aju ai pany u jojo ba.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

I THESALONIKA 2:10

Nangchi ym nai khumichi i tlang tleaung y kaichi ly chai parai nai hawi, hawi parai nai hawi, cheh ai by y nai pa-rei awm nai sai ly nangchi hawi Tameuh py pany hai nai keung ne;