SAM 44:15 - Khumi Common Language Bible

¹⁵ Paleung ka-echi hawi vawitheung tha nai khumichi i,

SAM 44:15 ပူးပေါင်းရင်းမြစ်များ

1 ARENG KEH 9:7

kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

JOBA 17:6

Vai i neng y khumichi ly huni thui achi nai leu teaung iy, kai ai hawi y nai ang pei u lawh. Nichi ly jeu iy kai i meimai y pachi pathawi u bo.

SAM 69:7

Kai ly nang i molam y mei aniu y naira avum bo; khri pa-rei kangji nga bo.

SAM 71:13

Kai ai tiu nai khumichi ly sum iy phra u sy. Kai tamo kalem nga pa-rei atho sa u nai khumichi ly kangji nga iy tahm anem u sy.

SAM 89:45

Nang ly ni ai neng tym y naimy miteaung cheang hai iy kangji nga hai bo.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 51:51

Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

TANGAM NAI LEU 2:15

Mary aki aleaung nai khumichi ly mei aniu y nai sa iy kiu tabeang u. Nichi ly lu heang naimy Jerusalem mary kaphra ai panui hai paryp u bo. “Khrei ai hawi parai nai mary ly hini mary lawh a? Khaileaung pri i vui tahm awm hai nai mary ly hini mary a?,” nanai panui hai.