SAM 44:13 - Khumi Common Language Bible

¹³ Kaichi i tlang tleaung y nang i sa naichi ai yhm deaungpachi ly niu i, kaichi ai preaung iy panui hai u bo.

SAM 44:13 ပူးပေါင်းရင်းမြစ်များ

SAM 79:4

Tengpang sahawi y awm nai prichi my ly panui hai iy thui preaung u nai ne.

SAM 80:6

Nang ly kaichi i pri ai, tengpang y awm nai prichi i tavai atiura meingtym lawm hai bo; paleung ka-echi ly kaichi ai khumi aniu y bo.

SAM 89:41

Ni i sahawi mang aki aleaung nai khumi bawibawichi ly ni i yhmtheaung katuichi paviu u; ni i yhm deaungpachi my py panui hai bo.

SAM 89:51

Aw Areng, nangmy vawi takhra nai samrang ai, nang i paleung ka-echi my khumi aniu y nai sa u lawh ly! Nichi ly ni i chei naira tleirei y, khumi aniu y nai sa u bo.

ISAIA 52:3

Areng my mymy i khumichi teng y, “Nangchi ai tangka hawi jo y teu i py, miseaung lawm u bo. Hunai kamta ly nangchi ai atleu nai py, vang tla ai ny y. Nangchi ly jawm naimy law tleaung naira nga u ai.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

Leu Thui Nai 28:37

Areng my nangchi ai pri tleirei y ahei hai nai khala, huni pri i khumichi ly nangchi i patang nai sai nui iy kaso theu u ai; nichi my nangchi ai panui pachem hai ai.