SAM 42:5 - Khumi Common Language Bible

⁵ Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

SAM 42:5 ပူးပေါင်းရင်းမြစ်များ

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

SAM 35:14

Kai ly kaimy i ahawi, ti y baly amjo amnau i vui y chiu kasa nai kamta, paleung apei parai naimy nichi i vui py, chiu kasa pi nai bo. Kai ly kaimy i amhm i vui paleung mawn nai kamta, chiu kasa pi nai ne.

SAM 37:7

Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 38:6

Kai ly khri pa-rei patang naira avum i, tahm anem naimy awm bo. Kani khengrei paleung si naimy kavo nai ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 43:5

Kai ly ati mana nai y hina tanrei paleung atho di ai mo? Ati mana nai y paleung bi, paleung mawn mo? Kai ly Tameuh ai athang khai ai; kai ai atleu keung, kai i Tameuh ai kapalo bi ai.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 56:11

Kai ly mymy ai ym nai deaungkho y, ami ai py jei ai ny y; khumi ly kai ai ati sa pajau ai mo?

SAM 56:3

Aw ati cheaungkhang sa thai nai Areng, kai ly jei hyn nai khala y, nang ai kang-ym nai ne.

SAM 61:2

Kai ly yhm hawi palo i, paleung phra atho di nai deaungkho y, nang ai aeu naimy palau bo! kai ai chymme naira mang y pahawi kyh ba.

SAM 71:14

Kai ly nang ai ajeng jojo ai; nang ai avaw avawrei kang palo ai.

SAM 77:3

Kai ly Tameuh i satang adawn pasym nai khala, taho sum na bo; kai ly hawihai palai dawn pasym nai khala y, paleung phra atho di na bo.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

Kati Nai 6:26

Areng ly nangchi ai khen angdeang iy awmnem naira pei sy.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

MATTHAI 26:38

Naibaly mymy ly nichi teng y, “Kai ly dei ai nai pa-rei khrikhri pa-rei paleung mawn na; hi y awm u ly, kai hawi vanrei ajeng u rym paryp ba,” napi.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.