SAM 42:4 - Khumi Common Language Bible

⁴ Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 42:4 ပူးပေါင်းရင်းမြစ်များ

2 ARENG KEH 18:30

Areng y ka-ym awm ai nai, ni i parawi nai leu tangai u moh. Areng my nangchi ai atleu ai, nanai py, Asuria tavaimichi ai hini mary peang vui ai nai pei ai ny y, nanai py athang khai u moh.

2 ARENG KEH 18:32

Empara samrang i leu pei nai kamta tangai u baly, nangchi ly dei u ai ny y, heng u ai. Areng ly kaichi ai atleu pajau nai ne, nanai nangchi athang khai u ai nai Hezekia i li-tapawp nai tangai u moh.

2 NENG SATANG 7:10

Saryh lo, kani 23 rei kani y Solomon ly mipuichi ai yhm mang y vawi hai bo. Areng ly mymy i khumi Israela chengchi, samrang Davida hawi samrang Solomon teng y amtheaung hai nai deaungkho y, khumichi ly amo theu naimy vawi u nai ne.

JOBA 29:2

Kai i awm nai sai ly Tameuh my kai ai ang kry nai thym khala i kamta, awm ali teang ai nai kangai parai.

SAM 100:4

Kawn nai leu thui nai tarawi y, Achura yhm katheu pa-kho theung y kun u; palo nai tarawi y apai theung i ly-um y kun u. Mymy teng y kawn nai leu thui iy mymy ai palo u.

SAM 115:2

“Nangchi i Tameuh ly ma y awm mo?,” nanai khumi cheng cheaungkhangchi ly ati mana nai y kaichi teng y deng u lawh mo?

SAM 122:1

Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

SAM 122:8

Kai ly amjo amnauchi hawi, ahawichi molam y Jerusalem mary ai, “Nang teng y tlamsa naira awm sy!,” napi.

SAM 55:14

Nang hawi kai ly adyh parai naimy, arum apang hawi bo; Achura yhm y py, vanrei chiu sa ahawi nai ne.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 79:10

“Nangchi i Tameuh ly ma mang y mo?,” nanai khumi cheng cheaungkhangchi ly ati mana nai y deng u lawh mo? Nang i khumichi i thi leaung hai nai khumichi i tlang tleaung y kamngo pajeng nai ly kaichi niu ai nai ngai.

SAM 80:6

Nang ly kaichi i pri ai, tengpang y awm nai prichi i tavai atiura meingtym lawm hai bo; paleung ka-echi ly kaichi ai khumi aniu y bo.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

TANGAM NAI LEU 2:19

Vumtorei ang thau krei ang thau krei iy, Areng ai palau ba. Mymy i mo y nang i paleung pathym apei ve iy, nang i cho chanauchi i vui y ahui naimy hnei takeng ba. Nang i cho chanauchi ly lam taki tavai tleirei y kajeu alam naimy dei u bo he!

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

Ezekiela 46:10

Samrang ly khumichi kun nai khala kun iy, nichi theu nai khala theu ai nai tla.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

RUTHI 1:21

Kai ly hi i nai theu nai khala, nang nai ne; na i py vai ly Areng my kai ai bengtlairei vawi hai ali teang bo. Ati Cheaungkhang sa thai nai Areng my pajeng iy patang naira tym hai nai deaungkho y, ‘Naomi’ nanai palau u lawh mo?” napi.