SAM 41:1 - Khumi Common Language Bible

¹ Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

SAM 41:1 ပူးပေါင်းရင်းမြစ်များ

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

SAM 37:19

Rai parai nai neng khala y nichi ly patang u ai ny y. Cha nei takang nai neng khala y teicha teinei bym pa-rei nga u ai.

SAM 37:26

Ni ly khumi takhrachi ai paawp y naimy, avawrei pei reng. Ni i cho chanauchi py amtheaung naira nga u nai ne.

LEU KACHENG 14:21

Khumi kamawnchi ai pahen reng nai khumi ly taham hawi; ami ai mei aniu y nai ly kamngo ne.

LEU KACHENG 16:14

Samrang i kado theu nai ly dei hai pajau nai deaungkho y, khumi kacheng ly samrang i kado theu nai rym ai nai atho sa reng nai ne.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

Parip nai leu 12:1

Hunaibaly nangchi ly paleung phra nai neng kani tym nai khala y, “Kaichi amo theu naimy awm pajau y leang bo,” nanai thui u ai. Huni neng tym y rai nai saneng nau nai thym khala, amychi ai sa nai keung ai pany u jo ba.

JEREMIA 39:17

Na i py nang ai kai, Areng my kang kry ai nai deaungkho y, nang ly nangmy jei hyn nai khumichi i kiu y tym ai ny y.

MARKA 14:7

Khumi kamkawnchi ly nangchi teng y awm jo chy bo: nangmychi my ngaingai kha y nichi ai sabawm pajau na a: kai naini nangchi teng y kang awm jojo ai nai ny y leang.

AMTAW 20:35

Ati cheaungkhang kai i sa naira ngierei y ly kang patei reng ly, hunai kamta sa akawm u nai tarawi y ham y naichi ai sabawm ai nai tla; naibaly Areng Isu kypkyp my ly, ‘Atiti nga nai tleaung y atiti pei nai taham hawi keh,’ nanai thui nai ly nangchi pany jo ai nai tla,” napi.

KALATIA 2:10

Ne mang ly kaini my kamawnchi ai pany jo ai nai harei ngai u khyh i, huni ly kai i sa ai nai tau tatang nai angchi yb nai ne.

I THESALONIKA 5:14

Nangmychi tengtawi aly nai awm u. Naibaly amjo amnauchi awi, reita ny y nai kamta awm naichi ai ly parip u ly, vam y naichi ai pachei u ly, ham y naichi ai sabawm u ly, bawibawichi teng y amnym naimy awm u.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

AMTENG HAI NAI 3:10

Nang ly kai i kham tanga nai leu patawm nai deaungkho y, khaileaung pri y awm naichi ai cham ai nai, khaileaung pri verei y tym ai cham nai neng y ly kapalawi ai.

RUTHI 2:19

Amni my ni teng y, “Hini choh ly ma y pakym nai mo? Ami i li y pakym mo? Nang ai pahen nai keung teng y Tameuh my amtheaung hai sy!” napi. Hunaibaly Ruthi ly mymy i chohvui pakym nai li yhmkeung ly Boaza ne, nanai Naomi teng y amti pi.