SAM 40:5 - Khumi Common Language Bible

⁵ Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 40:5 ပူးပေါင်းရင်းမြစ်များ

JOBA 26:14

Na i py hini leaungsaichi ly Tameuh i sa thai naira i, maidenreichy teu rai. Huni sa thai naira i satang ly khumichi i leu kamsyh y katheu nai ryrei khyh nai ne. Tameuh ly sa thai naira awm tatang, nanai ami pany khyp pajau ai mo?

JOBA 5:9

Kaichi ly mymy i sa nai nang parai nai saichi pany pajau y. Mymy i lyh ai awm parai nai saichi ly kati pajau y leang.

JOBA 9:10

Achi ly mymy i sa nai, nang parai nairachi ai pany thai y. Mymy i rengrang ka-ma-rachi ly kati pajau y.

SAM 136:4

Mymy leaungrei naini rengrang ka-ma-rachi patei pi; mymy i tamen nai ly deungtasarei ne.

SAM 139:6

Kai i satang angym pa-rei nang pany nai ly lyh ai hawi parai; huni pany nai sai ly kai pany pajau y na pa-rei thiu parai.

SAM 71:15

Kai ly nang i hawi nai sai kathui ai; nang i atleu nai ly kai i pany nai tleaung y thiu parai nai ne; na i py huni pahen nai satang ai kai ly kani khengrei thui ai.

SAM 73:28

Na i py kai i vui ly Tameuh i sahawi y awm ai nga nai, salo kangteng Areng teng y abyh ai nga nai hawi, mymy i sa nai rengrang nai saichi ai, amthang hai ai nga nai ly khri pa-rei hawi parai na ly!

SAM 92:5

Aw Areng, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

THEU NAI 11:8

Mosi my, “Nang i bangtangchi ly kai teng y ang jeu u ai i, “Kai i mo y lu meung u ai; naibaly nichi ly nang i chengchi ai theu hai veng jau, nanai ang takeng u ai. Huni bo y kaimy theu hai ai,” nanai thui pi chum baly Mosi ly khri pa-rei kado theu naimy samrang teng i nai leh vui bo.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

JEREMIA 29:11

Nangchi i vui kai i pasym yb nai katauchi ly kaimy naini pany khyh. Huni sa ai tau naichi ly nangchi ai nang chawn hai ai nai ne i, nangchi mo mang i vui amcheang hai ai nai sa ai tau nai ne. Nangchi ai ka-jeira tym hai ai nai tau naichi ny y leang.