SAM 40:17 - Khumi Common Language Bible

¹⁷ Aw Areng, kai ly atho di iy, jeaungmang nai khumi ne i py, nang ly kai ai pany pi jo nai ne. Nang ly kai i atleu keung, kai i Tameuh ne; kai ai sabawm ai nai jeu kaliki ba!

SAM 40:17 ပူးပေါင်းရင်းမြစ်များ

SAM 109:22

Kai ly kamawn kati cho ne; paleung pakawi theung y no-ei naimy awm bo.

SAM 34:4

Kai ly Areng teng y chiu sa nai khala, mymy ly tangai pi bo. Jei ai hawi parai naichira i nai kai ai atleu bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 35:27

Kai ai tlamsa naira nga hai ai nai ngai nai khumichi ly amo theu naimy, “Areng ly nang parai nai ne! mymy i miseaung nang nai ly atho kanga bo,” nanai avawvawrei aeu u sy.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 54:4

Na i py Tameuh ly kai ai sabawm nai keung ne; kai mang y asa iy ama hai nai keung ne.

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

SAM 70:5

Kai ly atho di naimy ngari patang nai ne; aw Tameuh, kai teng y jeu kaliki kyh ba; nang ly kai ai atleu nai keung kai i Areng ne; kai ai sabawm ai nai jeu kaliki kyh ba!

SAM 86:1

Kai ly atho di iy, jeaungmang naimy awm bo; huna nai y aw Areng, kai i hnei takeng nai tangai pi ly pathang pi kyh ba.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 2:23

ami my mymy ai jo nai thym khala y py mymy ly jo teang y: mymy ly patang nai thym khala y ram y i, hawi parai naimy chih reng nai keung teng y aau lawh:

I PETERA 5:7

mymy ly nangchi ai dawn hai reng nai deaungkho y nangchi i paleung bi naira bawibawi ly mymy tleaung y amtei u bebe.

AMTENG HAI NAI 22:20

Hini leu thui pi nai keung ly, “Ne, kai kang jeu praw ai,” napi. Amen. p Areng Isu awi, jeu jau ba.