SAM 40:16 - Khumi Common Language Bible

¹⁶ Nang teng y ahihawi nai khumi bawibawichi ly amo theu u sy. Nang i atleu nai molam y kawn naimy palo u nai khumichi ly “Areng ly khri pa-rei nang parai nai ne,” nanai palo u jojo sy.

SAM 40:16 ပူးပေါင်းရင်းမြစ်များ

SAM 105:3

Mymy ly achi ai peang nai deaungkho y amo theu u; mymy ai chiu nai bawibawichi awi, amo theu u.

SAM 119:111

Nang i reita leuchi ly kai i vui deungtasarei ne i, kai ai amo theu hai nai ne.

SAM 119:123

Nang i sabawm ai nai hawi, atleu ai adeu nai ajeng nai ly kai i mei khohai na bo.

SAM 119:81

Aw Areng, kai ly nangmy atleu ai, nanai ajeng i atho khei be bo; kai ly nang i leu ai ym nai ne.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 35:21

Nichi my, “Ha ha, nang i sa nai kaichi niu,” nanai aeu iy, neng hai nai leu katheu u bo.

SAM 35:27

Kai ai tlamsa naira nga hai ai nai ngai nai khumichi ly amo theu naimy, “Areng ly nang parai nai ne! mymy i miseaung nang nai ly atho kanga bo,” nanai avawvawrei aeu u sy.

SAM 68:3

Khumi kahawichi ly mymy i mo y amo theu u bo; nichi ly khrikhri pa-rei amo theu u iy, amo theu naimy aeu u bo.

Ezekiela 26:2

Mymy ly “Nang khumicho awi, Turu mary i khumichi my, ‘Jerusalem mary i katheu pa-kho ly phra vui bo! Huni mary i katheuchi ly am-eaung naimy awm bo! Huni mary ly kaichi hawi acham nai mary ny y leang bo!,” nanai amo theu naimy aeu u nai ne.

AMTAW 19:17

Hunaibaly Ephesi avang i awm naichi bawibawi, Judachi hawi Krikchi teng y py huni satang ly amthang bo; hunaibaly nichi bawibawi jei i, Areng Isu i amyn ly tahm pasang bo.