SAM 40:11 - Khumi Common Language Bible

¹¹ Aw Areng, nang ly kai ai pahen jojo ai nai kai kapany; Nang i tamen naira hawi ka-ym awm nai ly kai ai ang kry jojo ai.

SAM 40:11 ပူးပေါင်းရင်းမြစ်များ

SAM 23:6

Meitang khyp, kai ly nang i pahen naira hawi tamen naira ai, kaimy deungrei kanga i, nang i yhm y heng nai ryrei kaawm ai.

SAM 43:3

Nang i kangvang hawi leu meitang pato iy, kai ai nang i Zion mawi kachai mang py, nang i awm nai Achura yhm mang py, pahawi ali teang kyh ba.

SAM 57:3

Mymy ly kani pri mang dengdairei pathang iy, kai ai atleu bo; kai ai ana pumpi nai khumichi ai tiu pajau ai. Tameuh ly mymy i khaw parai nai tamen naira hawi ka-ym awm naira ly kai ai patei pi ai.

SAM 61:7

Aw Tameuh, ni ai ly nang i mo y deungtasarei peang hai jojo kyh ba; nang i khaw parai nai tamen naira hawi, ka-ym awm nai molam y ni ai ama hai iy kry kyh ba.

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

SAM 85:10

Tamen naira hawi ka-ym awm naira ly avum ai; leu meitang adyh adawi naira hawi tlamsa naira ly atakawi hawi ai.

SAM 89:2

Nang i tamen naira ly deungtasa khaw iy, ka-ym awm nai py kani khusang kamta khaw, nanai kai pany bo.

LEU KACHENG 20:28

Samrang ly leu meitang teaung naimy peang nai ryrei ly ni i phum-ang haiho khaw jojo ai.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi: