SAM 40:10 - Khumi Common Language Bible

¹⁰ Kai ly atleu nai satang thui y ai nai am-yh pajau y; Nang i ka-ym awm nai satang hawi, sabawm nai satang ai avawrei kathui nai ne. Nang i khumi bawibawichi achu naira y, kai ly nang i ka-ym awm nai satang hawi, khaw parai nai tamen naira satangchi apha y ai.

SAM 40:10 ပူးပေါင်းရင်းမြစ်များ

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 75:9

Na i py kai ly Jakob i Tameuh satang ai, avawrei kathui ai; mymy ai palo nai khulym kathui ai.

SAM 89:1

Aw Areng, kai ly nang i khaw parai nai tamen naira satang ai avawrei khulym thui ai; kai ly nang i ka-ym awm nai sai ai, neng tleirei amthang hai ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

MIKHA 7:20

Nang ly jangni khala, kaichi i amsi pajochi teng y adeu nai kamta, Abraham hawi Jakob i kangpreang lawm nai, nang i khumichi ai ka-ym awm naira hawi khaw parai nai tamen naira pahen naira hawimy hawi naira tym hai ai.

LUKA 3:6

Khumi bawibawichi my py Tameuh i paheng naira niu ai,’ napi,” nanai ne.

JOHAN 1:17

Ati mana nai mo nabaly Mosi i saho y Reita ang pei bo; na i py pahenra hawi leu meitang py Isu Krista i saho y tym.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

I THESALONIKA 1:8

Ati mana nai mo nabaly Areng i leu ly nangmychi i dengdairei amthang veng bo i, Makedonia hawi Akaia pri y khyh ny y naimy, meingtym tleirei y py nangchi i Tameuh ai ym u nai sai ly amthang veng bo; hunaibaly kaichi my ati sai py thui ai nai aly ngai y leang bo.

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.