SAM 39:6 - Khumi Common Language Bible

⁶ Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

SAM 39:6 ပူးပေါင်းရင်းမြစ်များ

JOBA 14:1

Khumichi ly tapen khyp khala i dengdairei atho di u i, jeaungmang u nai ne. Nichi ly deung dawi iy, patangra y awm u joja nai ne.

JOBA 7:16

Kai ly kamjau kang pei mang; heng nai py kapaleih na bo. Kai i tlang tleaung y ngai nai kamta, lyra lawm hai ba. kai i heng nai py atyhtyh teu bo.

JOBA 7:7

Aw Tameuh, kai i heng nai ly taho kathiu taho kalau nai ryrei khyh, nanai pany pi ba. Kai ly mo mang y amo theu bi ai nai ny y leang bo.

SAM 127:2

Tlang heng ai nai i vui khawn angthodyh ang thau iy, veng na nai pa-rei akawm parai naimy kalop sa nai py atyhtyh teu. Ati mana nai mo nabaly Areng ly mymy i tamen nai khumichi i nai thym khala, nichi i ngai nairachi pei pi nai deaungkho y ne.

SAM 144:4

Khumi ly taho kathiu, taho kalau nai ali hawi atawm; ni i heng nai ly tama veng reng nai pa-pui hawi atawm nai ne.

SAM 89:48

Ami nai ly dei y naimy heng jojo thai ai mo? Khumi ly amymy ai tapreaung y tym y pa-rei, mana paka thai ai mo?

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 23:5

Nang i paisa tangkachi ly pakhi sai iy, ahm i angkheang nai kamta, mei amsynrei sala y tama pajau nai ne.

Parip nai leu 1:14

Kai ly hini khaileaung pri y khumichi i sa nai ngiereichi kaniu chum bo. Kaimy kang thui pi ai; huni bawibawichi ly atyhtyh teu, ali ai patiu nai kamta ne.

Parip nai leu 11:10

Nangchi ly ati mo ra py paleung mawn nai awm u moh, ti y baly paleung atho di nai awm u moh. Nangchi ly saneng nau naimy neng kasau awm jo ai ny y leang.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 12:8

Hini leaungsai bawibawichi ly atyhtyh teu, atyhtyh teu, atyhtyh teu, nanai leu kathiu dawn pasym kawp nai khumi kacheng my ly thui nai ne.

Parip nai leu 2:26

Tameuh ly cheng naira, pany thai naira hawi amo theu naira ly mymy khrei nai khumi ai pei nai ne. Na i py mymy ly kamngo sa nai khumichi ai patang parai naimy kalopchi sa hai iy, nichi i nga nai yhmtheaung katuichi ly mymy ai kawn hai nai khumichi teng y pei. Huni bawibawichi py atyhtyh teu, ali ai patiu nai kamta ne.

Parip nai leu 2:8

Kai i peang nai prichira i, samrang i yhmtheaung katuichi khai nai theung i muku tangka py kapeang nai ne. Khumi neampacho, neampachychi my kai ai amo theu ai nai khulym ang thui pi. Naibaly kaimy i ngai nai kamta samrang i aju katheangchi py kanga.

Parip nai leu 5:14

Naibaly sai sairei molam y huni tangkachi kheih be i, amychi i cho chanauchi ai yhmtheaung khai pi ai nai by y bo.

ISAIA 55:2

Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

LUKA 12:26

Hini chy malawn py so u thai y pui nai ly, ati mana nai ati takhrara y paleung bi u lawh?

LUKA 12:29

“Naibaly nangchi cha ai nai, nei ai nai hau u lyhlyh moh, naibaly paleung adi adiu nai kamta py awm u moh.

I KORINTH 7:31

khaileaung pri y teaung naichi ly teaung u ala y nai kamta awm u sy: ati mana nai mo nabaly hini khaileaung pri i awm nai reita ly tama dudu bo he.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.

JAKOB 5:3

Nangchi i muku hawi tangka py ei cha be bo; huni ei cha nai ly nangmychi i sum nai sai pany hai nai ne, naibaly nangchi i tlang ai ly mai my kang nai ka-tawm ang cha ai. Nangchi ly kani kangkhym y ly yhmtheaung pateung achu lawh ly.

I PETERA 1:24

“Khumi bawibawichi ly acha kangheng kamta ne, Huni i apu nai sai ly acha pau kamta ne. Acha kangheng ly jei iy, Pau ly tla reng,

I PETERA 5:7

mymy ly nangchi ai dawn hai reng nai deaungkho y nangchi i paleung bi naira bawibawi ly mymy tleaung y amtei u bebe.