SAM 39:12 - Khumi Common Language Bible

¹² Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

SAM 39:12 ပူးပေါင်းရင်းမြစ်များ

ATITI AWM ANGCHEI NAI 21:34

Abraham ly Philistin pri y kra parai pa-rei awm nai ne.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

1 NENG SATANG 29:15

Aw Areng, kaichi ly amsi pajochi kamta, pri pala naira avum naichi hawi apany vai y naichi kamta, hini deung y kaheng u nai bo, nanai nang ly pany. Kaichi i neng kanichi ly pa-pui kamta ne i, kaichi ly dei naira ai en vui thai y.

JOBA 13:28

Hunai deaungkho y kai ly dengkeaung karaw kamta py, mipo my cha nai ateaung kamta py, deihpiu na bo.

JOBA 16:20

Ahawi kamrawichi ly kai ai cheh u; Kai ly Tameuh i mo y meikatui tla naimy kaawm bo.

SAM 102:1

Aw Areng, kai i chiu sa nai tangai pi kyh ba; sabawm ai nai kai i aeu nai raawi tangai pi kyh ba!

SAM 116:3

Deira ka-jei awm nai ly kai ai patiu bo; deira ly kai ai taki maimy awm; Kai ly jei hyn i, paleung mawn parai na bo.

SAM 119:19

Kai ly hini khaileaung pri y tanarei chy awm khyh nai ne; nang i reita leu pei naichi ai, kai teng i nai heu pi veng moh kyh ba.

SAM 119:54

Kai ly hini khaileaung pri y kani tanarei chy heng nai thym khala, nang i reita leaungsaichi ai khulym adi iy thui nai ne.

SAM 56:8

Kai i patang naira avum ai nai, nang ly pany nai ne; nang ly kai i meikatui beu naichi ai cha-iu theung y tajiu iy, khai pi typ bo. Nang i cha-iu theung y tajiu iy khai pi typ nai ny y a?

SAM 90:9

Kaichi ly nang i kado theu hai nai avum nai deaungkho y deung dawi u bo; kaichi i heng naira ly kamsyh y thui nai leu ali kamta, tama reng nai ne.

Levi 25:23

Khaileaung ly nangchi peang y leang; Tameuh my peang nai deaungkho y jo kyp moh. Nangchi ly angvyn ne i, huni pri y tym iy khuteng sa nai khumichi lawm u ai.

II KORINTH 5:6

Hunaibaly tlang awm nai sala ryrei ly kaichi ly Areng teng y awm y leang, nanai pany iy py, kaichi ly mana khala y py khri pa-rei paleung sorai nai awm lawh;

HEBRAI 11:13

Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;

I PETERA 2:11

Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;