SAM 38:1 - Khumi Common Language Bible

¹ Aw Areng, kado theu iy kai ai kamngo pajeng moh kyh ba!

SAM 38:1 ပူးပေါင်းရင်းမြစ်များ

SAM 6:1

Aw Areng, kai ai kado theu hai iy parip moh kyh ba! Kado theu iy pajeng moh kyh ba!

SAM 70:1

Aw Tameuh, kai ai atleu kyh ba! aw Areng kai ai sabawm kyh ba!

SAM 88:7

Nang i kado theu naira my ly kai ai ang ti cheng bo; kai ly huni kado theu nai tui sampyh anui y anum bo.

ISAIA 27:8

Areng ly mymy i khumichi ai pri pala iy pajeng nai ne. Mymy ly nichi ai nisi mang dengdairei aho nai ali kamchai theung y pakheang vui nai kamta, mychi pri dengdairei kamlo y tha vui bo.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

JEREMIA 10:24

Aw Areng, nang i khumichi ai thui parip kyh ba. Na i py kaichi i tlang tleaung y kado theu hai moh kyh ba. Nang i kado theu hai nai thym khala y, kaichi i tlang tleaung y khri pa-rei pajeng lawh baly, kaichi ly tama be ai bo.

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

HABAKKUK 3:2

AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

Leu Thui Nai 9:19

Areng my nangchi ai tama hai vui ai nai pa-rei kado theu nai y, kai ly jei parai nai ne; na i py Areng my kai i hnei takeng nai tangai pi bi bo.