SAM 37:7 - Khumi Common Language Bible

⁷ Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 37:7 ပူးပေါင်းရင်းမြစ်များ

ESTHER 3:15

Samrang i leu pei nai kamta Susa mary pui theung y hini cha patheu iy ahei hai bo. Naibaly cha tha nai khumichi ly thai hai nai cha ai, khu ka-peangchi ra y syn u bo. Naibaly Susa mary pui theung y khrukhra nai thym khala, samrang hawi Haman nini ly ateh iy kreip hang nei hawi nai ne.

JOBA 35:14

Joba awi, nang ly Tameuh ai niu pajau y, nanai thui; kham naimy ajeng iy awm ba. Nang i sa nai ly mymy i mo y tym bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 40:1

Areng my sabawm ai nai kai ly kham tanga naimy ajeng nai khala y, mymy ly kano patheung iy, kai i aeu nai raawi thai bo.

SAM 50:8

Nangchi ly kai teng y apathyp nai hawi leng patlum nai kapathyprachi talam amtawn jo nai deaungkho y, kai ly nangchi ai kang chih ai nai ngai y leang.

SAM 62:1

Tameuh my kai ai atleu ai nai, kai ly paleung sau parai naimy ajeng bo; kai ly mymy ai naini abyh nai ne.

SAM 62:5

Kai ly Tameuh ai naini abyh nai ne; mymy ai athang khai bo.

LEU KACHENG 20:22

Ka-jo vawitheung tha ai nai dawn moh; Areng ai phai ym. Hunaibaly mymy ly nang ai atleu ai.

Parip nai leu 5:8

Pri peang nai keungchi my khumi kamawnchi ai ana nai py, nichi i nga ai avo nai pei pi y nai hawi ka-dyh ka-dawi so pi y nai py, nang niu nai khala rengrang ti moh. Miteaung kehchi malawn py mymychi tleaung y len nai khumichi i ama hai nai anui y awm u nai ne.

ISAIA 30:15

Israela chengchi i chai parai nai Areng Tameuh my khumichi teng y, “Nangchi ly kai teng y vawi iy kajeaung kaji naimy kai ai ym u. Hunaibaly nangchi ly atho ham naira nga iy, atleu naira nga u ai,” napi. Na i py nangchi ly tangai u y!

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

DANIELA 11:36

“Suria samrang ly mymy i paleung y ngai nai kamta sa ai. Mymy ly tameuhchi bawibawi tleaung y len keh nanai py, tahm asang parai nai Tameuh tleaung y len nanai py, amlyh nai leu katheu ai. Ni ly mymy ai Tameuh my kamngo pajeng nai neng tym nai ryrei, hina nai amlyh pajau ai. Ati mana nai mo na baly Tameuh ly mymy i dawn nai kamta, sa ai nai deaungkho y ne.

JONA 1:11

Huna nai thym khala ali kamchai ly aho tleaung aho ra bo. Hunai deaungkho y sampho i khumichi my ni teng y, “Ali kamchai anawn hai ai nai, kaichi ly nang i tlang tleaung y ati mana sa ai nai avo mo?,” nanai deng u.

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

KALATIA 6:9

Hunaibaly atiti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai.

JOSUA 10:12

Amori tavaimichi ai Israela chengchi kiu y, Areng my au nai kani y Josua ly “Aw kanito awi, Kibeon mary salo y anawn ba; aw lo awi, Akalon mary leaunghawira y anawn ba,” nanai Israela chengchi i mo y thui bo.