SAM 37:28 - Khumi Common Language Bible

²⁸ Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

SAM 37:28 ပူးပေါင်းရင်းမြစ်များ

JOBA 18:19

Ni teng y amjo amnau kypkyp by y leang bo.

JOBA 27:14

Khumi hawi y naichi teng y cho chanau neampacho neangneang awm; na i py nichi ly tavai keung y dei u be ai. Khumi hawi y naichi i cho chanauchi ly mana khala py, kajeu kawi pa-rei cha ai nai nga u ai ny y.

SAM 11:7

Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.

SAM 21:10

Samrang ly nichi i cho chanau bawibawichi ai padei ai. Nichi i cheng bawibawichi ai tamyh pawn ai.

SAM 37:25

Vai i neng khala y kai ly miteaung acheang veng bo; kai ly saneng kakra kaheng bo. Na i py khumi kahawi ai Areng my khai su nai py, ni i cho chanauchi cheaung cha nai py, tlenrei py kaniu vai y leang.

SAM 37:40

Mymy ly nichi ai sabawm iy atleu bo. Nichi ly mymy teng y abyh u nai ne i, mymy ly nichi ai khumi hawi y naichi kiu i nai atleu bo.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

LEU KACHENG 2:22

Na i py Tameuh my ly khumi hawi y naichi ai, hini pri i dengdairei patheu pawn ai. Khaileaung y prau nai acha keung ai akyn vui nai kamta, khumi hawi y naichi ai akyn vui ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

JOHAN 15:9

Ampo my kai ai tamen nai kamta kai py nangchi ai tamen teang; kai i tamen naira y awm u jo.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly: