SAM 37:15 - Khumi Common Language Bible

¹⁵ Na i py nichi ly mychi i haisauchi hawi naimy tleh nai avum ai. Nichi i thailiho py tleu pawn ai.

SAM 37:15 ပူးပေါင်းရင်းမြစ်များ

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

ESTHER 9:16

Pri khu ka-peangchira y awm u nai Juda chengchi py, mymychi dei y ai nai amtang u bo. Nichi ly mymychi ai niu ngai y nai khumi leaung sang saryh taja chungvai pangreichi ai padei nai hawimy, paleung ka-echi ai tamyh u nai ne. Na i py vawnsaichi ly lawm pi y.

ESTHER 9:22

Huni kanichi ly paleung ka-echi ai Juda chengchi my tamyh nai kanichi ne. Huni lo ly nichi paleung si paleung mawn naira i nai paleung amo theu naira mang y amtlau vui nai lo ne. Hunai deaungkho y nichi ly huni kanichi tleirei y amo theu nai pawichi sa u iy, mymychi tengtawi py, khumi kamawnchi ai py, teicha teinei langseaungchi pei pi u ai nai ne.

SAM 34:22

Areng ly mymy i khumichi ai atleu ai; mymy teng y abyh ai nai ahihawi nai khumichi ly kamngo pajeng naira lawi u ai.

SAM 35:8

Na i py nichi ly athang khai y naimy tama u pawn ai. Mychi pateung yb nai deaungra y man u ali teang ai i, mychi tai nai angawm theung y tla iy phra u ai!

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

ISAIA 37:38

Kanirei nai khala y ni ly my i tameuh Nisaroh i achura yhm y chiu sa; chiu nai thym khala, my i chapo Adrammele hawi Sareza nini ly samrang ai myni i haisau hawi tleh iy, Ararat pri mang y preang hawi veng bo. Takhra chapo leaungrei Esarahadon ly ampo i meingtym y atheng nai ne.

JEREMIA 51:56

Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

HOSEA 1:5

Huni neng tym baly kai ly Jezarela leaunghawira y, Israela pri i sa thai naira phra hai ai,” napi.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

MIKHA 5:6

Nichi ly tavai ateaung atho hawi Nimroda pri Asuriachi ai tiu iy eaung ai. Asuria chengchi my kaichi i khu ka-peang theung y tiu nai khala y, huni luchi ly kaichi ai paleung ka-e kiu i nai atleu ai.

1 SAMUELA 2:4

Atho awm parai nai tavaimi risachi i thailihochi ly tleu pawn bo; na i py atho by y naichi ly atho awm lawh nai ne.

1 SAMUELA 31:4

Samrang ly tavai ateaung syn pi nai thawndeang teng y, “Hini Tameuh by y nai Philistia chengchi ly paleung amo theu naimy, kai ai ana iy padei pajau y ai nai, nang ly nangmy i haisau la iy, kai ai padei vui ba,” napi. Na i py huni thawndeang ly jei ala nai deaungkho y padei vam y i, Sawla ly my i haisau la iy pado; naibaly huni haisau tleaung y taba i dei bo.