SAM 37:14 - Khumi Common Language Bible

¹⁴ Khumi hawi y naichi ly ngari patang naichi ai padei ai nai py, kateng sa nai khumichi ai tleh ai nai py, haisauchi aphiu iy, thailihochi a-eaung u bo.

SAM 37:14 ပူးပေါင်းရင်းမြစ်များ

ESTHER 5:14

Hunaibaly my i aju hawi ahawi bawibawichi my ni teng y, “Miu vuipangrei asang nai akaeura yhmmawm leng hai be; Modekai ai huni akaeura yhmmawm salo y padei ai nai khawndam khawn mang samrang teng y hnei be. Naibaly amo theu parai naimy dym biu cha pawira y chei pajau ai,” nanai tau pei u bo. Haman ly huni tau pei nai tangai i, akaeura yhmmawm leng hai bo.

SAM 11:2

ati mana nai mo nabaly khumi hawi y naichi ly khumi kahawichi ai ko ai nai o iy, thailiho a-eaung yb bo.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

LEU KACHENG 29:10

Khumi ai padei nai khumi ly khumi kahawi ngiereichi ai niu ngai y nai ne. Na i py khumi kahawichi ly khumi kahawichi i hengra ai ama hai reng.

LEU KACHENG 29:27

Khumi kahawi ly khumi hawi y nai ai niu ngai y. Naibaly khumi hawi y naimy py, khumi kahawi ai niu ngai y teang nai ne.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

AMTAW 12:11

Naibaly Petera amcheng bo nabaly., “Areng my mymy i kani pri i amtaw thau nai ai pato i, Heroda i kiu i nai hawi, Judachi i tau nai bawibawi ra i dengdairei ly kai ai palawi bo, nanai vai ly kai pany khyp bo,” napi.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

1 SAMUELA 24:11

Kai i ngaai awi, khen cham rai, kai i kiu y syn nai baichu kangjiu tawmchy ai khen cham! Kai ly nang ai padei ai nai nga teu i py, hini baichu tawnchy ai naini kao khyh; nang ai tiu ai nai hawi padei ai nai kai ly paleung ka-dawn by y, nanai hinira y samrang nang ly pany ai nai avo. Kai ly nang ai sairei py tamang vai y teu i py, nang ly kai ai padei ai nai hau nai ne.

1 SAMUELA 24:17

Naibaly ni ly Davida teng y, “Nang ly teng iy kai ly tamang bo; kai ly nang ai hawi y parai nai sa i py, nang ly kai ai pahen lawh ly!