SAM 36:9 - Khumi Common Language Bible

⁹ Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 36:9 ပူးပေါင်းရင်းမြစ်များ

JOBA 29:3

Huni neng khala Tameuh ly kai hawi vanrei awm nai ne. Kaveng theung y tako nai thym khala py, kai ai kangvang ang pei.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 12:3

Tui kachai ly tui ahai nai khumichi ai amo theu hai nai kamta, Tameuh i khumichi ly mymy atleu pi nai khala, amo theu ai.”

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 60:19

“Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.