SAM 36:6 - Khumi Common Language Bible

⁶ Nang i adyh adawi nai ly asang parai nai mawi aheung hawi atawm na bo. Nang chih pi nai saichi ly pangli i thiu parai nairachi hawi atawm; nang ly khumi hawi amso tawnbawichi ai kry nai ne.

SAM 36:6 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

NEHEMIA 9:6

Naibaly Israela chengchi ly hina nai kamta chiu sa u bo: “Aw Areng, nang naini Areng ne; nang ly kani khusang hawi kani mang i ka-sichi ai py sa. Khaileaung hawi pangli py, khaileaung salo hawi pangli theung y awm nai bawibawichi ai py sa; nang ly ati cheaungkhangchi ai py heng hai bo. Kani mang i ka-si taukichi ly nang ai lu meung naimy chiu u nai ne.

JOBA 37:23

Tameuh i sa thai naira ly len parai nai deaungkho y, achi ly mymy sahawi y ahihawi pajau y; Mymy ly khumichi hawi amkawm naira y, leu meitang adyh adawi hai nai ne.

JOBA 7:20

Khumichi ai khen patawm nai keung, kai i kamngo my nang ai khrukhra naira tym hai lawh a? Ati mana nai y kai ai nang i cham nai amthiura kamta teaung lawh mo? Kai ly nang i vui khri pa-rei, ji nai myn kaji lawm lawh a?

SAM 145:9

Mymy ly khumi luteng ai hawi hai iy, mymy i sa nai heng nai amjy bawibawichi ai pahen nai ne.

SAM 147:9

Mymy ly amso tawnbawichi ai teicha teinei pei pi; o-a chochi hang nai khala y pacho panei bo.

SAM 31:20

Khumichi i dawn paviu naira i nai law tleaung hai ai nai nang teng y abyh nai khumichi ai, nang ly nangmy teng y chymme naimy heu vui ba. Paleung ka-echi i khumi aniu y nai sa naichira i nai law tleaung hai ai nai nichi ai chymme nai meingtymra y heu me ba.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

SAM 77:19

Nang ly pangli salo y aleaung iy, thiu parai nai suida pangli aleaung prei bo; na i py nang i kheu lawichi ai ly niu pajau nai ne.

SAM 92:5

Aw Areng, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

SAM 97:2

Khupanymchi hawi kavengchi ly mymy ai taki naimy awm bo; mymy i peang nai ly leu meitang hawi adyh adawi naira y sangum pala nai ne.

THEU NAI 9:28

Kaichi ly ali pakang hawi ji mang tla nai ly kham pajau y na bo! Hunai deaungkho y Areng teng y chiu so pi kyh! Kai ly nangchi ai theu ai nai kang pei praw ai; kang patawn veangveang y leang bo mang,” napi.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

JEREMIA 12:1

Aw Areng, kai i molam nang teng y leu amti pi ai nabaly, nang naini hawi nai keung ne. Na i py leu meitang awm nai, by y nai molam ly kai kang deng ai nai ngai. Ati mana nai y khumi hawi y naichi ly hunatan pa-rei nang chawn u nai mo? Leu meitang teaung y nai khumichi ly ati mana nai y tlamsa u lawh mo?

TANGAM NAI LEU 3:23

khawn khutawi neng kamta khesere naimy, kani si nai kamta khaw hai tatang nai ne.

JONA 4:11

Hunai kamta ly hawi nai, hawi y nai khawilang thai y nai khumi 120,000 rei chang y naichi hawi, tawnbawi neangneang awm nai Ninevi mary ai, kai ly pasai keh ai nai avo na a!,” napi.

ROM AVANGCHI TENG Y PAWLA I CHA PA NAI 11:33

Aw! Tameuh i cheng naira hawi pany naira ly khri thiu na ly! Mymy i chih nairachi ly pipi pany pajau y, mymy i sa nai sai ly patawm pajau ai nai aveng!

ROM AVANGCHI TENG Y PAWLA I CHA PA NAI 3:25

Tameuh i amnym pajau naira y jangni i kamngo nairachi ai ly dawn pi y nai awm nai deaungkho y, Tameuh my mymy i hawi naira patei ai nai Krista Isu ai ly mymy i thi deaungkho y kamngo ahui nai langseaung syn naira y amteng hai; huni ly ym nai deaungkho y nga nai ne;

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.

I TIMOTHEI 4:10

Hunaibaly achi ly Tameuh kangheng ai athang khai nai deaungkho y, achi ly sa akawm nai hawi kamjau ryrei atiti sa nai ne; mymy ly khumi bawibawichi i vui Paheng nai Keung ne, ni ai ym nai keungchi i vui ne kehkeh.

1 SAMUELA 14:15

Tavai prangra y awm nai Philistia cheng bawibawichi ly khri pa-rei jei u; tai theung y awm nai tavaimichi hawi, tavai kang aleaung nai risachi ly athengra nanai ne. Khaileaung malawn py amchyh na i, paleung ka-echi ly ahei u phro phra bo.