SAM 36:4 - Khumi Common Language Bible

⁴ Ni ly ira tleaung y aseaung nai thym khala, hawi y naichi dawn tau reng; ni i sa nai ngierei ly hawi y nai cheichei ne. Ni ly hawi y nai ai mana khala py khai su y.

SAM 36:4 ပူးပေါင်းရင်းမြစ်များ

ESTHER 5:14

Hunaibaly my i aju hawi ahawi bawibawichi my ni teng y, “Miu vuipangrei asang nai akaeura yhmmawm leng hai be; Modekai ai huni akaeura yhmmawm salo y padei ai nai khawndam khawn mang samrang teng y hnei be. Naibaly amo theu parai naimy dym biu cha pawira y chei pajau ai,” nanai tau pei u bo. Haman ly huni tau pei nai tangai i, akaeura yhmmawm leng hai bo.

ESTHER 6:4

Samrang my, “Samrang yhm theung y kai i bangtang leaung leaungrei awm a?” nanai deng. Hunai thym khala Haman ly samrang yhm theung y kun nai ne. Ni ly mymy i pado nai akaeura yhmmawmra y Modekai ai padei ai nai molam, samrang teng y hnei ai nai katau hawi jeu nai ne.

JOBA 15:16

Khumi ly kamngo ai tui kamta teaung reng; khumi ly meitang khyp, hawi y nai sa reng i, amso ngai ai nai hawi.

SAM 38:12

Kai ai padei ai ngai naichi ly deaungchi pateung u bo. Kai ai patang hai ai ngai naichi ly ang pajei u nai ne. Nichi ly kai ai padei ai nai avawrei patym u bo.

SAM 52:3

Nang ly kahawi tleaung y hawi y nai ai py, leu meitang tleaung y leu ka-chawi ai py nang keh bo.

SAM 97:10

Areng ly hawi y naira ai niu ngai y nai khumichi ai tamen; mymy i khumichi nang chawn nai ai ama hai; mymy ly nichi ai khumi hawi y naichi kiu i nai atleu bo.

LEU KACHENG 24:2

Nichi ly ajo athui ai naini dawn u khyh. Khumi takhrachi i tlang tleaung y rai naira tym hai ai naini, avawrei katheu u reng nai ne.

LEU KACHENG 24:23

Khumi kachengchi ly hini parip nai leu hawi, thui parip nai ne. Meimai khen iy tara chih nai ly tamang nai ne.

LEU KACHENG 4:16

Khumi hawi y naichi ly hawi y naichi so y baly i amhm y. Nichi ly khumi takhra ai patang hai y baly i thai y.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

JEREMIA 8:6

Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

MIKHA 2:1

Ira tleaung y aseaung iy hawi y sa ai nai dawn nai khumichi ly taham si. Khawn khutawi nai khala, nichi ly sa ai nai lam nga phai nga baly, mymychi i hawi y nai ka-dawn sa u reng nai ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MATTHAI 27:1

Naibaly khawn mang y ly pathyp pi nai keung kalenchi hawi khumi hum miteaung kehchi bawibawi ly Isu ai padei ai nai sai arum u bo;

AMTAW 23:12

Naibaly kani si iy Judachi ly vanrei asa krup i, Pawla ai padei y ryrei ly ati sai py cha nei ai ny y, nanai vaineng abeu bo.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;

1 SAMUELA 19:11

Huni vum y my Davida ai padei ai nai, Sawla ly Davida i yhm y khutawi pa-rei typ ai nai khumi phyreichi ai pato. Davida i aju Mikhala my, “Nang ly vai vum my preang ba, ti y baly khawndam nang dei ai bo,” nanai pany hai.