SAM 35:25 - Khumi Common Language Bible

²⁵ “Achi i kangai angym bo, ni ai achi my pajau bo!,” nanai nichi thui pajau ai nai pei moh ba.

SAM 35:25 ပူးပေါင်းရင်းမြစ်များ

2 SAMUELA 20:19

Kaichi i mary ly nang parai nai mary, Israela pri tlamsa ai nai ngai keh, ka-ym awm keh nai mary ne. Nang ly hini mary taphra ai nai ati mana nai atho sa lawh mo? Areng my peang nai ai nang ly phra hai ai nai ngai lawh a?” nanai deng.

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

SAM 124:3

nichi ly khrikhri pa-rei kado theu u iy, achi ai kangheng tang my ang pajawm pawn ai.

SAM 140:8

Aw Areng, khumi aso y naichi i kangai angym hai moh kyh ba; nichi i katau hawi y naichi ly eaung ai nai pei moh kyh ba.

SAM 27:12

Tapawp nai hawi pajei nai paleung ka-echi kiu y kai ai khai su moh kyh ba.

SAM 28:3

Hawi y sa nai khumi kamngochi hawi vanrei, kai ai pajeng moh kyh ba. Nichi ly leu tui teu i py, niu ngai y nai paleung awm u nai ne.

SAM 57:3

Mymy ly kani pri mang dengdairei pathang iy, kai ai atleu bo; kai ai ana pumpi nai khumichi ai tiu pajau ai. Tameuh ly mymy i khaw parai nai tamen naira hawi ka-ym awm naira ly kai ai patei pi ai.

SAM 70:3

Kai ai panui hai nai khumichi ly sum nai molam y khri pa-rei jei hyn u sy.

SAM 74:8

Nichi ly kaichi ang thau pajau y ai nai pa-rei, taphra ai nai ngai u bo; pri verei y awm nai chiu sa naira meingtymchi ai mai leng u pawn nai ne.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

TANGAM NAI LEU 2:16

Nang i paleung ka-e bawibawichi ly nang ai panui hai iy, niu ngai y nai paleung hawimy, khen u kalingie bo. Nichi ly labeaung pi naimy notareang mie iy, “Ni ai achi my taphra veng bo! Hini kani ly achi i ajeng jo nai kani ne he!,” nanai thui u nai ne.

MATTHAI 27:43

Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.

MARKA 2:6

Naibaly Reita patiu nai keung phyreichi ly hunira y ateh u i, “Hini khumi ly ati mana nai hinai kamta thui lawh ly?

MARKA 2:8

Naibaly Isu ly nichi paleung y hunai kamta dawn u pasym, nanai mymy i paleung y pany praw i nichi teng y, “Hunichi ly ati mana nai nangchi i paleung y dawn u pasym lawh mo?

I KORINTH 15:54

Hunaibaly hini veaung thai nai ly veaung thai y naira akhiu ai nai khala y hawi, hini dei thai nai ly dei thai y naira akhiu ai nai khala y py, huni neng khypkhyp y ly, “Pajau naira my deira ai pajawn be bo,” nanai tajiu nai ly tym khyp ai. Aw deinaira, nang i pajau naira ly ma mang y awm veng mo? Aw dei naira, nang i thailai ly ma mang y awm veng mo?