SAM 35:13 - Khumi Common Language Bible

¹³ Kaimy ly nichi no patang u nai khala, paleung si nai ka-dawn hawimy, paleung apanem nai tarawi y chiu sa i, paisiu amchiu iy, biu hai naimy kaawm bo.

SAM 35:13 ပူးပေါင်းရင်းမြစ်များ

JOBA 30:25

Kai ly patang naira avum nai khumichi hawi vanrei, kavo nai ny y lawh a? Khumi kamawnchi i vui y, paleung si paleung mawn hai nai ny y lawh a?

SAM 69:12

Nichi ly lam y kai i satang thui u nai ne; mhm-rah nei ala nai khumichi ly kai i satang khulym mang y thui u bo.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

ISAIA 58:5

Nangchi ly biu hai iy kanireichy nangmychi tahm apanem nai ly kang kawn pi ai, nanai athang khai u a? Kamtang kham iy acha keungchi kamta lu meung naimy, nangmychi ateh ai nai maidym tleaung y paisiu kanih bai u reng nai ne. Hina nai sa nai ly biu hai nai ne, nanai nangchi thui u ai a? Huna nai nangchi sa nai neng kani ai kaimy kang kawn pi ai, nanai nangchi athang khai u a?

Levi 16:29

Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 16:31

Huni kani ly khri pa-rei chai nai kani ne; huni kani y mani mo kalop py sa ai nai avo y. Hini reita ai katu chanau deung khrairei teaung patawm jojo ai nai tla.

MATTHAI 10:13

Naibaly huni yhm ly amtheaung hai nai leu nga ai nai ataing baly, nangchi i awmnem nai leu ly huni yhm y tym sy; ataing y baly nangchi i awmnem nai leu ly nangmychi teng y ali teang sy.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

LUKA 10:6

Naibaly hu y awmnem nai chanau awm baly, nangchi i awmnem nai leu ly ni i tlang tleaung y tym ai; awm y baly nangchi i tlang tleaung y ali teang ai.