SAM 35:10 - Khumi Common Language Bible

¹⁰ “Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 35:10 ပူးပေါင်းရင်းမြစ်များ

2 SAMUELA 22:18

Mymy ly sa thai naira awm nai paleung ka-e, kai ai niu ngai y nai khumi bawibawichi kiu i nai kai ai atleu bo. Nichi ly kai, hui kai pajau y na pa-rei atho awm.

SAM 10:14

Na i py nang ly patang naira avum naichi ai niu takengkei iy, sabawm ai nai avawrei angveirym nai ne. Jeaungmang nai khumichi ly amymy ai nang teng y a-au reng.

SAM 102:3

Kai i heng nai deung ly maikhyh kamta tama vui ai i, kai i tlang py mai kamta kang naimy awm ai.

SAM 103:6

Areng ly ana patang naira avum naichi mang y asa hai iy, tara chih pi nai deaungkho y, nichi i nga ai avo naichi pei pi nai ne.

SAM 109:31

Ati mana nai mo nabaly nang ly khumi kamawnchi ai ama hai iy, ni ai dei ai nai pa-rei pasum u nai khumichi kiu i, atleu pi nai deaungkho y ne.

SAM 140:12

Aw Areng, nang ly khumi kamawnchi i hawi naira hawi, kamawn katichi i vui nga sang naichi ai ama hai, nanai kai ly pany bo.

SAM 140:13

Khumi kahawichi ly nang ai meitang khyp naimy palo ai; nichi ly nang i mo y awm ai nai nga u ai.

SAM 146:7

Mymy ly ana naira avum nai khumichi ai meimai khen iy tara chih pi i, kajeu alam naichi ai pacho panei pi bo. Areng ly theaung tla naichi ai lawi hai iy, mei kamjuchi ai mei angvang hai.

SAM 18:17

Mymy ly kai acham iy pajau y nai, khri pa-rei sa thai naira awm nai paleung ka-echi kiu i nai py, kai ai niu ngai y nai khumi bawibawichi kiu i nai py, kai ai atleu bo.

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 22:24

Mymy ly khumi kamawnchi ai khai su y leang; nichi i ngari patang naichi ai py dawndan pi y nai by y. Mymy ly nichi teng i nai meimai hi pi vui y leang. Sabawm ai nai nichi i aeu hnei takeng nai pathang pi bo.

SAM 32:3

Kai ly kaimy i kamngochi ai apany hai y, ahui y naimy awm nai khala y, kani khengrei kavo nai deaungkho y, atho khei bo.

SAM 34:20

Areng ly ni i hengra ai kry nai ne. Ni i hiu harei malawn py tleu y ai.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 37:14

Khumi hawi y naichi ly ngari patang naichi ai padei ai nai py, kateng sa nai khumichi ai tleh ai nai py, haisauchi aphiu iy, thailihochi a-eaung u bo.

SAM 38:3

Nang i kado theu nai molam y kai ly no patang naira avum nai ne. Kaimy i kamngo nai molam y tlang verei no-na man bo.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

SAM 51:8

Amo theu nai raawichi ai, kai thai ai nai pei kyh ba; nang ly kai ai paleung phra atho di hai teu i py, kai ly amo theu ali teang ai.

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

SAM 86:8

Aw Areng, nang kamta Tameuh ly by y; nang i sa nai kamta mani tameuh py so vai y.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

ISAIA 40:18

Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 40:25

Chai parai nai Tameuh ai ami hawi pata ai mo? Mymy hawi atawm nai khumi leaung leaungrei awm na a?

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

JEREMIA 20:13

Areng ai tahm pasang nai khulym thui u sina! Areng ai tahm pasang u sina! Mymy ly khumi kamawnchi ai khumi hawi y naichi kiu i nai atleu bo.