SAM 35:1 - Khumi Common Language Bible

¹ Aw Areng, kai ai ka-awi sa nai khumichi ai ka-awi so teang ly kaichi ai tiu nai khumichi ai tiu teang ba!

SAM 35:1 ပူးပေါင်းရင်းမြစ်များ

NEHEMIA 4:20

Ka-jeira satang pei nai baw katyn thai baly, nangchi ly kai teng y jeu u achu; achi i Tameuh ly achi mang y awm iy tiu pi ai,” nanai thui pi yb bo.

SAM 119:154

Kai i molam y kai mang y awm hai iy, kai ai tlamsa naira pei kyh ba; nangmy i adeu nai kamta kai ai atleu kyh ba.

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

THEU NAI 14:14

Areng my ang tiu hai ai i, nangchi paleung bi u moh; nangchi ati sai py sa ai nai ngai y leang,” napi.

THEU NAI 14:25

Mymy ly Aikupta tavaimichi i tavai ka-ri kheuchi phra hai nai deaungkho y, raira avum u bo. Hunaibaly Aikupta chengchi ly “Israela chengchi i jeng y Areng my achi ai tavai ang tiu nai bo, hi i nai athawn u ali sina bo he!” nanai thui u.

THEU NAI 23:22

Na i py nangchi ly ni i leu tangai iy kai i leu pei nai kamta sa u baly, kai ly nangchi i paleung ka-e bawibawi hawi, nang ai ka-awi sa nai khumichi ai kaimy tiu ai.

LEU KACHENG 22:23

Areng ly nichi i mang y asa hai ai. Nichi i heng nai ai pajei pahyn nai khumichi ai Areng my pajei pahyn teang ai.

LEU KACHENG 23:11

Areng ly sa thai naira hawimy nichi ai ama hai ai i, mymy ly nang ai ka-awi sa iy, nichi mang y asa ai.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

TANGAM NAI LEU 3:58

“Aw Areng, nang ly kai ai sabawm ai nai jeu i, atleu pi bo.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

AMTAW 23:9

Hunaibaly khrikhri pa-rei khrukhra bo; Pharisaichi mang i Reita patiu nai keung phyreichi ly angdo iy khri pa-rei aei i, “Hini khumi ly tamang naira kaichi ati sai py pany y leang; phailo mo kani pri i amtaw thau naimo mymy teng y atiti thui pi lawh baly mana sa ai mo?” napi.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

JOSUA 10:42

Israela chengchi i Areng Tameuh ly Israela chengchi mang y asa hai nai deaungkho y, Josua ly huni samrang bawibawichi hawi, nichi i prichi ai tiu i eaung veangveang nai ne.

1 SAMUELA 24:15

Ani leaung nyhrei theung y ami tamang mo, nanai Areng my tara chih pi ai. Mymy ly hini molam y chih pi sy; kai mang y asa nai ne i, kai ai nang kiu i nai atleu pi sy,” napi.