SAM 34:7 - Khumi Common Language Bible

⁷ Areng ai jei kaji nai khumichi ai, mymy i kani pri amtaw thau my kry iy, ka-jeira i nai atleu bo.

SAM 34:7 ပူးပေါင်းရင်းမြစ်များ

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

2 ARENG KEH 6:17

Naibaly Elisa ly “Aw Areng awi, ni i mei angvang hai ly niu sy ba! nanai chiu sa bo. Ni i chiu sa nai ly Areng my pathang pi i, Elisa i miseaung ly angdeang i, Elisa i tengpang mawi salo y mai keaungngochi hawi mai ka-richi kawi nanai niu bo.

SAM 138:3

Nang ai kaimy palau nai khala y nang ly pathang iy, kai ai atho kangtha pei panawi bo.

SAM 139:5

Nang ly kai i lengthun mo kry naimy awm bo; sa thai naira hawimy kai ai ama hai nai ne.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 91:11

Nang i chei naira tleirei y ang kry ai nai Tameuh ly mymy i kani pri amtaw thauchi teng y leu pei ai.

THEU NAI 22:22

Neampachy lumai hawi nurochi ai ana ai nai tlo y.

THEU NAI 22:26

Nang teng y khumi leaungrei ly ka-ym sa nai kanih khai baly, nang ly kani dym hai y naimy ni teng y pei pi teang ai nai tla.

DANIELA 6:22

Khrangsichi ly kai ai kei y ai nai Tameuh ly mymy i kani pri amtaw thau nai ai pato iy, khrangsichi i labeaung tamym pi vui bo. Hina nai kamta ang sa pi nai ly kai ly kamngo by y, nanai hawi kai ly samrang nang i tlang tleaung y tamang vai y, nanai py, pany nai deaungkho y ne,” napi.

ZEKHARIAH 9:8

Kai ly kaimy i pri ai mani tavaimichi py, tako prei thai y ai nai kry ai. Samrang hawi y naichi ai py, kai i khumichi ai ana ai nai pei ai ny y. Kai i khumichi patang naira avum nai kaniu bo,” napi.

MATTHAI 18:10

“Hini khumi theangchichy naichi theung y leaungrei ai pate y ai nai amkym u; nichi i kani pri i amtaw thau naichi my ly kani pri mang i Ngaai i meimai ly niu u jojo, nanai kang thui pi nai bo he.

LUKA 16:22

“Naibaly hina nai awm. Cheaung nai khumi ly dei i, kani pri i amtaw thau naichi my ni ai la veng iy Abraham i paleung tleaung y tapawm hai bo. Naibaly khumi kanang py dei i up bo.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?