SAM 34:3 - Khumi Common Language Bible

³ Areng i nang parai nai ai, kai hawi vanrei aeu u; achi ly mymy i amyn vanrei palo u sina.

SAM 34:3 ပူးပေါင်းရင်းမြစ်များ

1 NENG SATANG 16:10

Achi ly mymy i khumichi ne i, amo theu u; mymy ai chiu nai khumi bawibawichi ly amo theu u sy!

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

2 NENG SATANG 29:30

Samrang Hezekia hawi mipuichi ai lu sa naichi ly Levi theaungchi ai Davida hawi amo Asap nini my tajiu pi yb nai palo nai khulymchi thui hai nai ne. Hunai deaungkho y nichi ly amo theu parai naimy khulym thui u iy, kheukhu di naimy Tameuh ai chiu u bo.

SAM 35:27

Kai ai tlamsa naira nga hai ai nai ngai nai khumichi ly amo theu naimy, “Areng ly nang parai nai ne! mymy i miseaung nang nai ly atho kanga bo,” nanai avawvawrei aeu u sy.

SAM 40:16

Nang teng y ahihawi nai khumi bawibawichi ly amo theu u sy. Nang i atleu nai molam y kawn naimy palo u nai khumichi ly “Areng ly khri pa-rei nang parai nai ne,” nanai palo u jojo sy.

SAM 66:8

Khumi cheng bawibawichi awi, kaichi i Tameuh ai palo u; nangchi i palo nai raawi thai sy.

SAM 69:30

Kai ly khulym hawi Tameuh ai kapalo ai; kawn nai palo nai hawimy, nang i nang parai nai sai amthang hai ai.

SAM 69:33

Areng ly ngari kamtang avum nai khumichi i, chiu sa hnei takeng nai tangai pi bo; theaung tla nai mymy i khumichi ai tami pi vui y leang.

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

LUKA 1:46

Naibaly Mari my, Kai i hengra ly Areng ai ang palo mang:

AMTAW 19:17

Hunaibaly Ephesi avang i awm naichi bawibawi, Judachi hawi Krikchi teng y py huni satang ly amthang bo; hunaibaly nichi bawibawi jei i, Areng Isu i amyn ly tahm pasang bo.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.

AMTENG HAI NAI 14:7

naibaly mymy ly tao pajeng parai naimy, “Tameuh ai tahm khai ly, mymy ai palo u:ati mana nai mo nabaly mymy i tara chih nai neng tym bo: kani khaileaung hawi pangli hawi, tuinochi py sa nai keung ai ly chiu u,” napi.