SAM 34:11 - Khumi Common Language Bible

¹¹ Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

SAM 34:11 ပူးပေါင်းရင်းမြစ်များ

JOBA 4:11

Nichi ly cha ai nai daichi mawi avum y nai, khrangsichi kamta dei u. Nichi i cho chanauchi py, ahei u akyhkyh bo.

SAM 107:9

Mymy ly tui ahai naichi ai tui kanghai dam hai; kajeu alam naichi ai, ati mo hawi parai naichi hawi kajeu kawi hai bo.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 112:3

Ni i yhm dengtheungchi ly nang chawn u ai; ni ly nang chawn jojo ai.

SAM 23:1

Areng ly kai i beram typ keung ne i, kai ai ang kry bo; naibaly kai ly ngai nai ryreichi nga nai ne.

SAM 32:8

Areng my, “Kai ly nang i tako ai avo nai lam kang patei pi ai. Nang ai tau kang pei iy kang kry ai.

SAM 66:16

Tameuh ai jei kaji naimy tahm khai nai khumi bawibawichi awi, jeu ly tangai u; mymy ly kai i vui y ati mana hawi ang sa pi mo, nanai kaimy kang thui pi ai.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 22:6

Deaungdi teng y ati mana heng ai nai tla mo, nanai patiu pi ba. Hunaibaly ni ly mymy deungrei, thui parip naichi ai tami ai ny y.

LEU KACHENG 4:1

Deangchi awi, ngampo kai i patiu pi nai leu tangai u. Pany thai ai nai hawihai palai tangai u.

LEU KACHENG 7:24

Hunai deaungkho y deangchi awi, kai i leu tangai u. kaimy kang thui pi nai leuchi tangai u patyp.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

LEU KACHENG 8:32

“Hunai deaungkho y deaungdichi awi, kai i leu tangai u. Nangchi ly kaimy kang thui pi nai kamta, sa u baly taham hawi ai.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

ISAIA 28:9

Nichi my, “Hini khumi ly achi ai ati palawn nai y thui parip nai mo? Ni i leu pei nai ly amichi i vui kamran awm mo? Kanu-li ang vawi nai deaungdichochi hawi naini amlau nai ne!

JOHAN 13:33

Bechi awi, kai ly nangchi teng y tanarei chy awm ai rai. Nangchi ly kai ai hau ai:naibaly Judachi teng y, ‘Kai i chei ai naira y nangchi jeu thai y leang,’ nanai kai i thui nai kamta vai py hunai kamta nangchi teng y py kang thui pi teang.

II TIMOTHEI 3:15

Krista Isu y ym naira awm nai deaungkho y, heng naira nga ai nai ka-lawh pa-rei ang cheng hai thai nai cha-iu kachaichi ly nang deaungdichy khala i dengdairei pany nai bo.