SAM 33:7 - Khumi Common Language Bible

⁷ Pangli ngiereichi ai meingtym hareira y achu hai bo. Thiu parai nai suida pangli tuichi ai, khaira takunchira y kry me bo.

SAM 33:7 ပူးပေါင်းရင်းမြစ်များ

JOBA 26:10

Mymy ly suida pangli tui salo, khuteng deaungdu saho y, kangvang hawi kaveng patleh takhra pi bo.

SAM 78:13

Nang ly pangli tui akhawi hai thla vui iy, tuichi ly tengpang mang y akachu hai pawn i, nichi ai angpeang hai bo.

THEU NAI 15:8

Nang ly pangli tui ai hm nai khala, tui ly saleung asa iy apang kamta tawteng na bo. Pangli paichi py tang nai ne.

LEU KACHENG 8:29

Mymy ly pangli tuichi py leu pei nai ryrei, tui tym khyh ai nai leu pei nai neng y kai ly hu y awm. Khaileaung i sangum langdeng panui nai neng khala py, kai ly awm yb nai ne.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

HABAKKUK 3:15

Nang ly nangmy i keaungngochi hawi, pangli y chiu nai khala, tuichi ly phawn theu na bo.

JOSUA 3:13

Khaileaung pri verei ai peang nai keung Areng i Leu Maikawm Pawm angjeaung nai pathyp pi nai keungchi, tavo tui ai chiu phai chiu baly tavo syh mang leaung kathiu nai tui ly anawn iy, meingtymrei y am-eng cheng vui ai,” napi.

JOSUA 3:16

tui leaung nai anawn vui i, tavo syh mang palo kyh naira y awm nai Zarethan mary ahawi i Adam mary y tui am-eng cheng nai ne. Pangli kadei tym pa-rei leaung nai tavo tui ly kang vui nai deaungkho y, khumi bawibawichi ly Jeriko mary sahawi i tavo vai mang y angpeang u thai nai ne.