SAM 33:4 - Khumi Common Language Bible

⁴ Areng i leu ly teng parai; mymy i sa nai kalopchi py, leu meitang hawi amlau nai ne.

SAM 33:4 ပူးပေါင်းရင်းမြစ်များ

ATITI AWM ANGCHEI NAI 24:27

“Kai i areng teng y adeu nai leu ai ka-ym awm hai nai keung, kai i areng Abraham i Areng Tameuh ai ly palo nai awm sy. Areng ly kai i areng i misochi teng y kai ai ang pahawi nai ne,” napi.

SAM 119:128

Hunai deaungkho y kai ly nang i leu patiu pi nai ngiereichi ai tangai iy, lam teng y nai ngiereichi ai niu ngai y bo.

SAM 119:75

Aw Areng, nang i tara chih nai saichi ly adyh adawi nai ne, nanai py, meitang khyp naimy kai ai pajeng, nanai py kai ly pany bo.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 19:8

Areng i reita leaungsaichi ly teng parai nai ne i, tangai nai khumichi i paleung y amo theu hai reng. Areng i reita leu pei naichi ly leu meitang ne i, paleung y cheng naira pei reng nai ne.

SAM 25:10

Leu Maikawm hawi Reita leu pei naichi atyp nai khumi bawibawichi ai nang ly tamen naira hawi py, ka-ym awm naira hawi py, lam patei nai ne.

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

LEU KACHENG 30:5

“Tameuh ly ka-ym awm nai ne. Mymy ly my teng y abyh nai khumi bawibawichi i vui khupui kamta ne.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MIKHA 2:7

Israela chengchi ly amsawi lawi bo, nanai athang khai a? Areng ly neaung kham pajau na bo a? Mymy ly huna nai sa takengkei ai bo a? Kahawi sa nai khumichi teng y, mymy ly kapahen leu thui pi ai ny y a?,” nanai kai teng y thui u ali teang bo.

JOHAN 14:6

Isu my ni teng y, “Kai ly lam py, leu meitang py, hengra py ne.

ROM AVANGCHI TENG Y PAWLA I CHA PA NAI 7:12

Hunaibaly Reita ly kachai ne, leu pei nai py chai py chai, hawi py hawi, meitang py ne.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

TITA 1:2

ka-chawi thui vai y nai Tameuh my ly kani khaileaung palum y rai kha y my huni ai adeu yb veng bo;