SAM 33:21 - Khumi Common Language Bible

²¹ Achi ly mymy deaungkho y amo theu u nai ne. Achi ly mymy i amyn kachai ai ym u bo.

SAM 33:21 ပူးပေါင်းရင်းမြစ်များ

1 NENG SATANG 16:10

Achi ly mymy i khumichi ne i, amo theu u; mymy ai chiu nai khumi bawibawichi ly amo theu u sy!

1 NENG SATANG 16:35

“Kaichi ly kawn naimy palo iy nang i amyn kachai palo ai nai kaichi i atleu keung Tameuh, kaichi ai atleu kyh ba. Kaichi ai pangym iy kaichi ai khumi cheaungkhangchi kiu i nai atleu kyh ba,” nanai mymy teng y takeng u.

SAM 13:5

Kai ly nang i khaw parai nai tamen naira ai ym nai ne; nang ly kai ai atleu nai ne i, kai ly amo theu ai.

SAM 28:7

Areng ly kai ai ama hai iy ang kry. Kai ly mymy ai ym bo. Mymy ly kai ai sabawm nai deaungkho y, kai ly amo theu naimy palo nai khulym thui nai ne.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ZEKHARIAH 10:7

Israela khumichi ly tavaimi risachi kamta, atho awm naimy kreip hang nei nai khumichi kamta amo theu u ai. Nichi i katu chanauchi ly hini eaung naira pany u jo iy, Areng i sa pi nai saho y amo theu u ai.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

AMTENG HAI NAI 4:8

Naibaly huni heng nai amjy palyhrei ly pakhi tariurei awm bawibawi i, anui y py salo y py mei cheichei awm: naibaly nichi ly, “Jangni i dengdairei awm nai hawi, vai awm nai hawi, vai momang y awm ai nai Atiti py Sa Thai Nai Keung Areng Tameuh ly, Kachai, kachai, chai parai na y!” Nanai vum kanithun anawn y naimy thui jojo.