SAM 33:20 - Khumi Common Language Bible

²⁰ Achi ly Areng ai ajeng u bo. Mymy ly achi ai sabawm iy, ang kry nai ne.

SAM 33:20 ပူးပေါင်းရင်းမြစ်များ

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 8:17

Areng ly mymy i khumichi teng y meimai patei pi y; na i py kai ly mymy ai ym iy athang khai ai.