SAM 32:5 - Khumi Common Language Bible

⁵ Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

SAM 32:5 ပူးပေါင်းရင်းမြစ်များ

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

2 SAMUELA 12:9

Nang ly ati mana nai y, kai i leu pei nai tangai y lawh mo? Ati mana nai hini hawi y naira sa lawh mo? Nang ly Uriah ai tavai keung y dei hai bo. Ammon khumichi ai ly ni ai padei ai nai pei iy, ni i aju ai la vui lawh ly!

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

2 SAMUELA 24:17

Khumichi ai pajeng nai kani pri amtaw thau ai Davida my niu nai khala, Areng teng y, “Kamngo awm nai ly kai ne; sa tamang nai khumi ly kai ne; hini khumichi ly ati kamngo sa u mo? nang ly kai hawi kai i yhm dengtheungchi ai naini, pajeng naira tym hai ba,” napi.

1 ARENG KEH 8:50

Nang i tlang tleaung y nichi my sa tamang nai kamngo bawibawichi ai pahen pi kyh ba. Paleung ka-echi ly nichi ai pahen pi na sy.

2 NENG SATANG 6:29

nichi i chiu sa nai tangai pi kyh ba. Nang i khumi Israela cheng phyreichi ly khri pa-rei paleung si naimy, hini Achura yhm mang y kiu pheu iy chiu sa u lawh baly,

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

JOBA 31:33

Khumi takhrachi ly mychi i kamngochi apha u; na i py kai ly mana khala py, kaimy i kamngochi apha vai y.

JOBA 33:27

Ni ly mipuichi mo y, “Kai ly kamngo sa tamang lawh bo; hawi naira kaso y teu i py, Tameuh ly kai ai atleu.

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

SAM 103:3

Mymy ly kai i kamngo bawibawichi palawi pi iy, kai i no-na bawibawichi py, hawi ang sa pi nai ne.

SAM 25:16

Aw Areng, kai ly bengtlairei khyh nai y atho di nai ne. Hunai deaungkho y kai mang y motha iy pahen kyh ba.

SAM 25:18

Kai i avum nai rai nairachi hawi patang nairachi pany pi iy, kai i kamngochi pahen pi kyh ba.

SAM 30:5

Mymy i kado theu nai ly tanareichy khyh; hawi naira ly deungtasarei ne. Vum y meikatui beu teu i py, khawn mang y ly amo theu hai ali teang nai ne.

SAM 38:18

Kai ly kaimy i kamngochi ahui bo. Huni kamngochi molam y, paleung mawn parai nai ne.

SAM 38:19

Kai i paleung ka-echi ly noso keaungno by y; atyhtyh naimy kai ai niu ngai y nai khumichi ly nawi parai.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

LEU KACHENG 30:20

Ka-ym by y nai aju ly ami i yhm hlau taphra chum baly, tui ahiu pan iy “Kai ly ati sai py hawi y naira kaso y leang " nanai katheu reng.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

JEREMIA 2:23

Nangchi ly Bala tameuh ai mana khala py chiu vai y. kaimychi ai amso ngai hai y, nanai ati mana thui pajau ai mo? Nangchi ly leaunghawi theung y ati mana kamngo sa u mo, nanai khen cham. Nangmy i sa nai kalop pany ba. Nang ly po ngai nai kula-iu tanglo kamta, awm py thai y na pa-rei angpreng nai ne.

JEREMIA 2:35

“Na i py, ‘Kai teng y kamngo by y, Areng ly meitang khyp, kai i tlang tleaung y kado theu hai y leang bo,’ nanai thui ai nai ngai. Na i py nang ly nangmy teng y kamngo by y, nanai akhi nai deaungkho y kai ly nang ai kamngo pajeng ai.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

Levi 5:5

Khumi leaungrei ly kamngo sa baly, tamang bo nanai apany ai nai tla.

MALAKHI 3:8

Khumi ly Tameuh ai li-tapawp ngau a?, nanai nangchi ai kang deng ai nai ngai. Hina nai sa ai nai avo y i py, nangchi ly kai ai li-tapawp u nai ne. Nangchi my, ‘Kaichi ly mana kang tapawp u mo?’ nanai thui baly horei y harei talam nai hawi katalamrachi talam nai ngiereichi molam y ne, nanai pathang ai.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

LUKA 7:47

Hunai deaungkho y kang napi, mymy i kamngo nawi parai nai ly pahen nai bo, ni ly khri pa-rei tamen na a: na i py pahen nai di baly maidenrei tamen nai py di teang,” napi.

EPHESI 4:32

Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

JOSUA 7:19

Josua my ni teng y, “Deang awi, Israela chengchi i Areng Tameuh i mo y meitang khyp thui ba. Nang i sa nai saichi apha y naimy kai teng y thui pi ba,” napi.